另類嘅參觀活動

預約到參觀精神健康體驗館,呢個機會真係好難得,根據嗰度嘅工作人員講,呢度參觀嘅預約經常都爆滿,我哋預約到,真係幸運過抽中mirror演唱會飛呀!!! 為咗令到參觀者有沉浸式嘅儀式感,入去前每個參觀者會獲派發「入院」手帶乙條,scan個qr code就進場嘞。 裡面劃分咗「時光隧道」、「腦海導航」、「復康新知」、「全人健康」同「思覺交流」幾個展區,個人對一頭一尾睇到嘅嘢最深刻,就係時光隧道嗰度佢講咗一啲關於精神病院嘅歷史,btw原來喺幾十年前唔單止係香港,醫治精神病嘅方法有啲係真係好得人驚而又冇效嘅,我所講嘅得人驚係包括一啲唔係好人道嘅做法,然而發明呢殘忍做法嘅醫生又竟然攞到啲重要獎項......時移世易,呢啲殘忍而冇效嘅治療方法到依已經唔會再用。另外就係最後尾「思覺交流」嘅一part,除咗有幾個房間特別做出嚟等你體驗下病患病發時嘅感受,展覽館仲安排咗幾位過來人大方地分享佢哋嘅經歷,亦有Q&A嘅環節可以問佢哋問題,我自己就覺得,萬一唔好彩自己係個病患,如果有朋友同家人支援,又肯睇醫生,其實好大機會可以醫治到(嗱,我冇話係根治,但可以控制。)千祈唔好諱疾忌醫唔去面對佢,呢個展覽館嘅設立,係希望大家對精神病多啲認識,精神病唔係啲咩牛鬼蛇神,你唔需要怕亦都唔需要帶有色眼鏡去睇患有精神病嘅人。 參觀完畢展館出面有個位置賣啲souvenir係一啲康復者做嘅手工藝,都整得幾靚,我同朋友各自都買咗少少,如果你哋有機會嚟精神健康體驗館參觀,都可以用呢個形式對佢哋表達支持同心意。

平均消費
HK$0
地址
精神健康體驗館
香港屯門青松觀路15號學院樓(S座)2樓
評分
5/5
good
gd
下一篇載入中