「鴨大哥」,主打地道北京烤鴨

🌟餐廳:鴨大哥 📍地址:鰂魚涌華蘭路25號太古坊栢克大廈2樓 💰價位:~$200 - $400 ⏰營業時間:星期一至六 11:30 - 15:00 / 18:00 - 22:00 (星期日休息) 📱電話:35978179 今日去咗太古做FACIAL,預岩收工時間就約朋友食晚飯,佢話想試太古坊既「鴨大哥」,主打地道北京烤鴨,最近新開試業中~ ——————————————————— 🔹 雲南黑土豬叉燒 大大碟份量十足~厚切叉燒大大件又唔油膩,咬開肉質緊嫩,加埋微微甜既肉汁,值得一試~ 🔹北京烤鴨(半隻) 餐廳招牌菜式~外層鴨皮帶點油脂,香氣十足~鴨皮入口鬆化,鴨肉味道濃郁,加埋傳統烤鴨配料如京醬、京蔥絲、青瓜絲、黑糖及黃梅醬等,啖啖滿足~ 🔹海鮮鴨湯泡飯 呢款海鮮鴨湯泡飯亦係餐廳主打之一~大大煲泡飯加入鴨肉、帶子、蝦肉及菜粒,既鮮甜又足料,上菜個時店員仲提供脆米,我地加入去粥度一齊食,層次感十足,暖胃又飽肚~ ——————————————————— 😋味道:4/5 🏢環境:4/5 💁🏻‍♀️服務:4/5 💵價錢:4/5 🤟🏻性價比:4/5 ——————————————————— 👅整體小總結 餐廳嘅裝修簡潔,座位亦寬敞,環境寧靜~食物方面,除左提供主打既北京烤鴨外,仲供應其他地方菜式,食物種類夠晒多元化!

地址
栢克大廈停車場
香港鰂魚涌華蘭路25號
評分
4/5
下一篇載入中