【黃大仙區】【和氣食堂】寫黃大仙區對我嚟講都幾難,因為我喺呢區去親都係新蒲崗,除咗開 page 初期都食過吓其他位置之外,大部份呢個區嘅 post 都係喺新蒲崗。為免失德敗行,我都特登去過竹園同慈雲山食嘢,但係都係要食多啲其他位置。 對上兩次食咗牛池灣嘅兩間宵夜檔,喺十八區行政劃分裡面係屬黃大仙區,為我帶嚟一啲新意。而今次我就喺返正正嘅黃大仙中心食嘢,仲要係南館,即係以前嘅黃大仙中心。係呀,喺我年青時,而家嘅北館係叫龍翔中心。 唔係曬自己有幾老嘅時候,寫返食乜啦。其實呢頭食肆多數都係大集團,搵嘢啱食唔易。今次嚟到呢間和氣食堂都係一間有其他分店嘅日本嘢。趁佢仲係喺下午茶時段,就叫個下午茶食吓,一般情況呢啲時間食都係抵啲嘅。 叫咗個 $52 嘅「壽司定食C」,有加州卷三件、同埋火焰左口魚邊、火焰三文魚、火焰赤蝦壽司各一件嘅,食落當然只屬平庸冇特別。配碗「木魚湯烏冬」都係正正常常食得晒嘅食物,加 $3 要杯「凍柚子蜜」,都係咁嘅味。 啱啱 $55 咁多嘢其實都幾抵食,叫多串 $49 嘅「鹽味燒牛舌」,佢都唔差,屬正常嘅水準,非伏。但一諗起補六蚊就可以食頭先個餐就點都好似有啲心有不甘咁,實情五十蚊串牛舌都係正常。夾埋食咗 $104,哎又冇一舊。。。 (地址:黃大仙正德街103號黃大仙中心南館地下G12A號舖) #1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am黃大仙區 #黃大仙 #和氣食堂 #壽司定食 #加州卷3件 #火焰左口魚邊壽司 #火焰三文魚壽司 #火焰赤蝦壽司 #木魚湯烏冬 #凍柚子蜜 #鹽味燒牛舌 #1am0910 #1ambackup

平均消費
HK$70
地址
和氣食堂
香港黃大仙正德街103號黃大仙中心南館地下G12A號舖
評分
3/5
👍
下一篇載入中