[{"@context":"https://schema.org","@type":"Article","headline":"好味抵食的點心放題，紅燒乳鴿有驚喜！","image":["https://cloudapp01.ulifestyle.com.hk/post/600-4-5-CR-1-RB-1/post_1727270026412.jpeg","https://cloudapp01.ulifestyle.com.hk/post/600-4-5-CR-1-RB-1/post_1727270026917.jpeg","https://cloudapp01.ulifestyle.com.hk/post/600-4-5-CR-1-RB-1/post_1727270027371.jpeg","https://cloudapp01.ulifestyle.com.hk/post/600-4-5-CR-1-RB-1/post_1727270027945.jpeg"],"datePublished":"2024-09-19 00:00:00+08:00","url":"/community/detailpost/f0d24050-3313-458a-9302-f064c24c6c95/中式料理/Ivy-Cheun/546150","author":{"@type":"Person","name":"Ivy Cheun","url":"https://www.ulifestyle.com.hk/community/user_profile/546150/Ivy-Cheun"},"text":"新年點都要同屋企人飲下茶，但發覺唔係好多酒樓有開，有開嘅又唔係好想幫襯，唯有特登由大埔去到佐敦試試呢間新嘢。\n\n行點心放題嘅形式，對於我呢啲大胃王黎講，簡直係超級抵食喇！\n仲見到佢地嘅盆菜都好吸引下，有原條釀鯪魚，鄉下係客家嘅人就知呢味嘢好巧功夫。可惜宜家先發現已經太遲了，下年一定要試下。\n\n金沙熊貓包\n樣幾得意，其他酒樓都有類似卡通外形嘅包點，但個樣就奇奇怪怪，呢個起碼個熊貓樣正常，仲幾得意。內餡係正常流沙餡，小朋友好鐘意食，我都忍唔住食左一個，平時就好驚呢啲。\n\n糖醋排骨\n有驚喜，肉質彈牙，味道酸酸甜甜，甜味會多啲啲。肥瘦啱啱好仲有肉汁，係我鐘意嘅程度，醬汁少少黏口，食左三碟哈哈。不過冇牙嘅老人家就不建議挑戰。\n\n四季豆\n本身係諗住食吓菜，但冇諗到菜都咁好味，呢個四季豆係我地屋企top3受歡迎，推介推介！\n\n漁夫醬海蝦\n呢個都好少喺其他酒樓見到，味道幾特別，蝦肉鮮甜帶酒香，值得一試。不過外形冇咩特別所以都冇影相。\n\n佛山燻蹄\n第一次食點心有呢樣嘢，幾入味同埋好彈牙，屋企人鐘意食所以都order左兩碟，但就唔記得影相......\n\n紅燒乳鴿\n聽聞呢個係招牌，我見枱枱都有咁濟。所以order左一份試味。皮薄又脆，乳鴿肉質彈牙多汁，肉汁同燒出黎嘅油混合埋一齊好鬼香。\n\n仲有其他食左唔記得影，對於第一次食神燈嘅我黎講有好多都好有驚喜。不過唯一不足就是平時飲茶會食嘅點心有啲呢到都冇，但又有好多係出邊冇或者少見嘅點心，所以都可以彌補佢嘅不足。總體黎講係食得開心嘅，又唔貴，仲好有新年氣氛。我諗我過左年之後都會繼續幫襯！\r\n #飲茶 #神燈海鮮酒家 #點心放題 \r\n\r\n(此文章由U Blog 同步發佈至社群)"},{"@context":"https://schema.org","@type":"DiscussionForumPosting","headline":"好味抵食的點心放題，紅燒乳鴿有驚喜！","image":["https://cloudapp01.ulifestyle.com.hk/post/600-4-5-CR-1-RB-1/post_1727270026412.jpeg","https://cloudapp01.ulifestyle.com.hk/post/600-4-5-CR-1-RB-1/post_1727270026917.jpeg","https://cloudapp01.ulifestyle.com.hk/post/600-4-5-CR-1-RB-1/post_1727270027371.jpeg","https://cloudapp01.ulifestyle.com.hk/post/600-4-5-CR-1-RB-1/post_1727270027945.jpeg"],"datePublished":"2024-09-19 00:00:00+08:00","url":"/community/detailpost/f0d24050-3313-458a-9302-f064c24c6c95/中式料理/Ivy-Cheun/546150","author":{"@type":"Person","name":"Ivy Cheun","url":"https://www.ulifestyle.com.hk/community/user_profile/546150/Ivy-Cheun"},"text":"新年點都要同屋企人飲下茶，但發覺唔係好多酒樓有開，有開嘅又唔係好想幫襯，唯有特登由大埔去到佐敦試試呢間新嘢。\n\n行點心放題嘅形式，對於我呢啲大胃王黎講，簡直係超級抵食喇！\n仲見到佢地嘅盆菜都好吸引下，有原條釀鯪魚，鄉下係客家嘅人就知呢味嘢好巧功夫。可惜宜家先發現已經太遲了，下年一定要試下。\n\n金沙熊貓包\n樣幾得意，其他酒樓都有類似卡通外形嘅包點，但個樣就奇奇怪怪，呢個起碼個熊貓樣正常，仲幾得意。內餡係正常流沙餡，小朋友好鐘意食，我都忍唔住食左一個，平時就好驚呢啲。\n\n糖醋排骨\n有驚喜，肉質彈牙，味道酸酸甜甜，甜味會多啲啲。肥瘦啱啱好仲有肉汁，係我鐘意嘅程度，醬汁少少黏口，食左三碟哈哈。不過冇牙嘅老人家就不建議挑戰。\n\n四季豆\n本身係諗住食吓菜，但冇諗到菜都咁好味，呢個四季豆係我地屋企top3受歡迎，推介推介！\n\n漁夫醬海蝦\n呢個都好少喺其他酒樓見到，味道幾特別，蝦肉鮮甜帶酒香，值得一試。不過外形冇咩特別所以都冇影相。\n\n佛山燻蹄\n第一次食點心有呢樣嘢，幾入味同埋好彈牙，屋企人鐘意食所以都order左兩碟，但就唔記得影相......\n\n紅燒乳鴿\n聽聞呢個係招牌，我見枱枱都有咁濟。所以order左一份試味。皮薄又脆，乳鴿肉質彈牙多汁，肉汁同燒出黎嘅油混合埋一齊好鬼香。\n\n仲有其他食左唔記得影，對於第一次食神燈嘅我黎講有好多都好有驚喜。不過唯一不足就是平時飲茶會食嘅點心有啲呢到都冇，但又有好多係出邊冇或者少見嘅點心，所以都可以彌補佢嘅不足。總體黎講係食得開心嘅，又唔貴，仲好有新年氣氛。我諗我過左年之後都會繼續幫襯！\r\n #飲茶 #神燈海鮮酒家 #點心放題 \r\n\r\n(此文章由U Blog 同步發佈至社群)"},{"@context":"https://schema.org","@type":"ImageObject","contentUrl":"https://cloudapp01.ulifestyle.com.hk/post/600-4-5-CR-1-RB-1/post_1727270026412.jpeg","creator":{"@type":"Person","name":"Ivy Cheun"}}]