邪惡氣炸香蕉🍌芝士西多士

今次整西多士加了香蕉同芝士片，估唔到有幾好味喎，方法簡單， 食完之後覺得好邪惡😁，有冇西多士控，要試吓整，一定喜歡💕。 材料： 1️⃣ 方包 兩片 2️⃣ 雞蛋 兩隻 3️⃣ 芝士 兩片 4️⃣ 香蕉 🍌 一隻 製作步驟： 1️⃣ 將香蕉🍌去皮切片備用。 2️⃣ 先將雞蛋加入少許鹽攪勻，放上方包淋滿兩邊方包，在托盤上噴少許油，放已沾滿蛋液的方包，放上一片芝士，再放上香蕉片，之後再放一片芝士，加埋另外一片已沾滿蛋液的方包夾好。 將有剩蛋液用掃再塗四邊，最後噴少許油在方包面上。 3️⃣放入氣炸鍋先用170 度烤5-6分鐘，再取出來反轉烤170度烤5分鐘就食得。 趁熱可以加片牛油/糖醬/蜜糖味道更佳 , 切開後滿滿己溶芝士同香蕉，幾邪惡但又好食😋。 ———————————————— 烹飪難易度（1為較易 - 5為較難）：1 烹飪時間：12 準備時間：10 #秋日推介#西多士#西多士自製系列#西多士關注組#自家製#Jackodailylife