「【深圳美食打卡】佳寧娜潮州菜館| 鮮到爆汁煎蠔餅，滋味十足🤤」 深圳羅湖佳寧娜廣場嘅佳寧娜潮州菜，真係間無得輸嘅地道潮式酒樓殿堂！ 煎蠔餅¥58必須拎嚟先講，呢度嘅煎蠔餅簡直係人間美味！蠔仔份量多，咬落去滿嘴都是新鮮嘅蠔仔，鮮味十足，外皮炸至金黃脆卜卜，內裡濕潤多汁，呢個口感簡直係冇得彈，超級推薦👍😋！ 乾炒牛河¥58亦係必試之選，大大碟上枱，足料到唔信，牛肉片鋪滿整整一盤，切得大片且嫩滑，炒粉火候掌握得恰到好處，夠鑊氣又唔會過火，誠意滿滿嗰隻！🤤 再嚟講下豬紅豬什湯¥38，裡面豬紅堆到好似小山咁多，入口滑溜溜，搭配其他豬雜煮出嘅湯底醇厚鮮美。 鹹豬骨大芥菜煲¥48，大芥菜吸收咗鹹豬骨熬製出嘅濃郁湯汁，每一啖都係入曬味，湯頭濃郁到飲落去暖笠笠，正！雖然咸豬骨稍微硬咗啲，但都唔影響佢哋嘅出品質量。 至於點心方面，潮州韭菜水晶餃¥29.8同竹筍水晶餃¥29.8都係精選之作。韭菜水晶餃皮薄餡靚，韭菜香噴噴；竹筍水晶餃¥32.8一樣出色，爽口清新。仲有個松茸竹笙餃，雖帶少許草青味，不過餡料爽脆可口，味道見仁見智！ 環境地方寬敞，裝修比較舊同埋燈光較暗，但係食物質素佳，而且提供多款潮式點心、小菜，味道多元化。去深圳飲茶除咗蘩樓之外，亦都可以留意吓呢一間😍。 #想去就去 #龍重登場