澀谷必食!最新爆紅法式布丁塔✨極致外脆內軟😳一個要整4日⁉️😱

東京澀谷喺2月1號開咗間法式甜品店,雖然位於巷仔之內,但憑著精緻外觀、極致口感同味道俘虜咗唔少日本女仔😋想知道係咩就睇落去啦😎✨ 呢間烘焙甜品鋪PAQUET MONTÉ 先前喺新宿試業嘅時候已經廣受好評~經過幾番調整終於重新開業,將完美成品正式發售!🤤佢哋嘅招牌係「法式布丁塔」✨  單單係圓柱狀、厚度剛好又酥脆嘅塔皮就已經需要花4日時間烘烤,內餡亦費時2日製作🤯先成就到「極致外脆內軟」嘅口感😳而且所有食材都係無添加~令成品更加新鮮健康! 依家為大家介紹佢哋嘅menu😍 1️⃣Vanille🤍(900yen) 雲呢拿係甜品唔會出錯嘅口味👏🏻由崎養雞場直送嘅新鮮雞蛋,加入成條雲呢拿豆,令布丁塔散發濃郁香氣🤤諗起都流口水!建議加購一球北海道鮮奶雪糕享用~✨  2️⃣Chocolat🤎(1000yen) 採用咗日本朱古力品牌 Minimal 嘅68%手工巧克力,PAQUET MONTÉ亦刻意降低布丁塔嘅甜度,更加帶出黑朱古力嘅獨有風味🥰 3️⃣broccoli💚(1100yen) 有甜點點少得鹹點?🤤呢款布丁塔用咗成棵西蘭花做~加入蓋朗德鹽、秘製薑黃後成為咗一道特色小食,能夠食得出各種材料嘅鮮甜味🤤仲有滿滿維生素😎強烈建議搭配流心蛋一同享用!🐣伴隨蛋液真係太邪惡了! 4️⃣fraise yuzu🩷(1100yen) 嚟個fresh啲嘅!✨呢款混合咗士多啤梨同柚子~刻意加入咗柚子皮增強香氣~表面就有士多啤梨醬再豐富味道😍一定好好食! 想再食得豐富啲,可以Book餐廳,喺private room 享用flan plate套餐!第1款包含菠菜布丁塔,配合時令蔬菜同自家製烤牛肉,加上士多啤梨醬、無農藥柚子皮、淡路島岩鹽、粉紅胡椒、西西里橄欖油等調理料,味道層次LEVEL UP!! 第2款包含fraise yuzu布丁塔,搭配時令水果砂鍋和雪糕,雪糕可以自選牛奶或金橘口味,再加上手沖咖啡一齊享用,成就完美下午茶✨ 喺官網預約就得,2款flan plate合共4種口味布丁塔承惠4200yen,個人覺得都幾抵,只要入返電話姓名再俾錢就可以! 飲品方面就唔算特別,除咗咖啡,都係紅茶橙汁之類,不過都有手工啤酒嘅選項~鍾意飲酒嘅朋友都可以嘗試~ 順帶一提!由於PAQUET MONTÉ 係精緻Cafe PREMIER MAI 嘅姐妹店,所以店舖裝修都維持咗一定嘅質感😌例如店內嘅大理石長枱、櫥窗都好精美好打卡🩶去食嘢記得著靚啲影多幾張相! 真係好想快啲再飛東京🤤想緊貼更多日本資訊,記住Follow我!🇯🇵 詳細資料: PAQUET MONTÉ 開幕日期:2024年2月1日(週四)  地址:東京都澀谷區代代木5-38-13 營業時間:10:00~19:00(Last Order,18:00)星期二、星期三休息 支付方式:不接受現金 資料/圖片來源:PAQUET MONTÉ 官網及Instagram  #PAQUETMONTE #東京必食2024 #日本老店 #日本必食 #日本必食2024 #日本旅遊攻略 #日本旅行攻略 #東京必食 #東京攻略 #日本之行 #澀谷必食 #日本甜品 #日本必食甜品

平均消費
HK$60
地址
明治神宮
1-1 Yoyogikamizonochō, Shibuya City, Tokyo 151-8557日本
評分
5/5
👍🏻
下一篇載入中