肥美鰻魚炭火烤肉大餐

文和百川·活鳗鱼炭火烤肉@ 深圳Halo 廣場 今日黎到筍崗食文百川,終於一試等咗好耐嘅鰻魚燒烤。叫咗一個點評二至三人餐(172元)。 自助醬料選擇非常多,有辣有唔辣。 炭烤活鰻魚小份有八大件,喺炭爐上面燒烤,油分慢慢出嚟,睇住佢慢慢烤熟好吸引,最後再淋上鰻魚汁,用紫菜包住再加上一啲芝麻,入口非常之鮮味,油分十足,肉質肥美,相當不錯。 套餐有幾款唔同嘅肉,雪花隔膜、秘制鮮肥牛、招牌五花肉,每款燒熟之後味道差唔多,可以自行用唔同嘅醬料調味,再用生菜包住更加清爽。幾欣賞呢度嘅菜非常之新鮮清甜,可以無限任加。烤風干小腸肉外皮脆卜卜,肉汁豐富,不錯。 麵包冰淇淋係將幾塊方包烤熟微焦,另外再自行擺上雲呢拿雪糕,冰火交融,雪糕奶香味濃味道不錯。 難得有一間燒烤餐廳環境舒服,座位舒適,非常適合小朋友。全程服務員幫手燒烤,服務一流。呢個套餐三個大人加小朋友都食得飽飽,非常抵食。 文和百川·活鳗鱼炭火烤肉(罗湖笋岗店) 梨园路8号HALO广场二期L1-4/13 #OK即刻有

平均消費
HK$60
地址
梨园路8-HALO号
中國广东省深圳市罗湖区梨园路8-HALO号 邮政编码: 518023
評分
5/5
gd
好吸引😍
下一篇載入中