【慈山寺（大埔）】｜慈森 • 山林療癒體驗

有朋友 send 條報名 link 出嚟，活動係費用全免，見到好似幾好，加上之前只係去過慈山寺一次，係好幾年前，就填吓睇吓報唔報到名。報名後一個星期左右收到 confirmation email，後尾另外嘅朋友話呢個都唔易報名，真係唔知呢😅 已經唔記得當年係點去，上網睇吓有一架小巴由大埔墟直達慈山寺，班次係1:15/1:45，因為唔知係咪得一班，但人龍勁長，走去問其他站嘅叔叔，佢叫我哋放心勁多車。 去到分咗兩邊排隊，入寺嘅一邊，山林療癒嘅另一邊，先攞入寺參學證，入去登記後再有山林療癒證，佢分咗兩團，我參加嘅團2:30再集合，距離開始仲有40分鐘。 團友大概20幾30人（冇特別數），由幾位山林療癒陪伴員帶領，首先要我哋「放下」，即係將所有物品包括電話放入 locker，但可以攞一支水，陪伴員話整個過程係「止語」、「放慢」步伐、專注並「喚醒」五感享受山林間氣氛、「覺察」及經歷「當下」，行程係咁～ 1️⃣去大雄寶殿旁迥廊做 guided meditation 2️⃣以行禪方式去桃花徑 3️⃣於桃花徑後不對外開放嘅山徑抱樹（得一棵） 4️⃣庭園除鞋除襪踏草地、躺樹葉牆、躺觀音下面嘅石牆或躺在地上 5️⃣行小徑去另一個位 guided meditation 6️⃣沿路執已落下的樹葉/花 7️⃣大自然宣言 8️⃣圍圈將樹葉/花放在中間 完～ ✅️我幾 buy 呢個活動設計嘅 concept，要香港人放下手機，好多人都唔習慣，仲要冇得打卡影相；止語對於係好多人嚟講都係相對難嘅嘢；放慢腳步會好奇怪；除鞋除襪抱樹會覺得好污糟會有昆蟲等～ ❌️我覺得每個環節都要參加者逐一輪住分享，會將參加者放下頭腦同靜嘅狀態突然間拉返出嚟，幾分鐘前仲係止語去感受靜，腦袋開始靜落嚟啦，但一完個環節就要彈返出嚟分享，跟住又要彈返入去感受，計吓數，90分鐘做8個項目，每項唔夠10分鐘，可能我係怪人吧， 我覺得咁樣真係好辛苦😅我自己覺得完成晒整個旅程先一次過分享，個體驗會完整一D，而且減少中間嘅分享時間，可以讓參加者有更充裕時間去放慢步伐用五感去感受！ 番外篇： 慈山寺有一張「十願朱印」地圖，響慈山寺十個唔同嘅位蓋印，就可以獲得福袋一個！本身我冇諗住玩，朋友話玩，好啦一齊玩～ 我哋利用集合前嘅時間，已經蓋咗9個印，只差八號印，要睇完佛教藝術之旅先可以蓋印，但外面勁多人排隊，冇可能集合前做到啦～就諗住完咗山林療癒後得就得，唔得都冇辦法！點知，原來閉館前會將蓋印檯搬去出口，可以直接蓋印，福袋響隔離就換到，工作人員認真 check 完再響中間蓋多一個印，福袋到手，開心🥰 之後仲有時間影相，因為呢段時間桃花盛放，好靚呢～ 行緊去桃花徑時，又遇到通去觀音像成條大道都冇人，我就響大道狂奔😂 因為5點鐘關門先走，最後一班慈山寺開出嘅小巴已 full，行咗一陣出大路搭小巴，沿路傾吓偈，去到仲即刻有小巴，完美咁完結呢個小旅程～ 體驗感受 ⭐️⭐️⭐️ 🔍慈山寺（大埔），香港 追蹤我的IG：tracyloveliving  #大自然 #靜心 #郊遊 #好去處 #香港周圍遊 #打卡 #慈山寺 #療癒 #慈山寺觀音 #慈山寺桃花 #抱樹 (此文章由U Blog 同步發佈至社群)