體驗做一日公主級打邊爐

為左體驗做一日公主嘅感覺，我就到訪尖沙咀嘅「香香宮煮」體現皇帝級嘅享受。餐廳設計主要用咗宮廷級嘅裝飾，用咗好多紅色嘅燈籠同埋牆身嘅顏色，真係有啲似返去古代嘅感覺㗎。 雍穆公主•花膠雞湯鍋 用咗傳統嘅三黃雞，每日新鮮熬製，加上厚身花膠，所以湯底濃郁呈膠狀。味道濃郁又有雞肉嘅鮮甜味。 艾莎公主牛肉寶盒 打開木質嘅寶盒，會見到煙霧彌漫嘅感覺。入面有多達七款唔同嘅肉質，包括頂級安格斯牛肉、牛展、頂級雪花肥牛、牛王喉等等，一次過可以試晒咁多款真係唔錯。 手工蟹籽鮮蝦丸 彈牙嘅新鮮蝦丸，面頭再灑上金黃色嘅蟹籽，口感彈牙又有蝦肉嘅甜味。 伊比利亞橡果豬 粉嫩又肥瘦均勻嘅橡果豬，肉味比較濃郁，口感軟腍。 香香宮煮響鈴拼盤 當然要試埋佢哋最出名嘅黃金蛋黃響鈴，口感香脆又有蛋黃嘅鹹香味。 香香宮煮 (金巴利中心) (尖沙咀) 尖沙咀金巴利道35號金巴利中心地下A號舖 #春日賞櫻#想飛賞飛#年輕肌gotcha#UCreator#打卡美食#好去處