深圳米芝蓮推介炭火匠心燒肉

《深圳篇》又到咗深圳搵食時間,今次就到訪羅湖區去試下獲得米芝蓮推介嘅燒肉品牌《野岩炙》。品牌源自於台灣,由台灣老乾杯行政總廚坐鎮,以高質食材和匠心烹調手法聞名。燒烤就食得多,但係真係用炭火燒嘅就真係第一次,仲要坐喺炭火前都唔會覺得熱,仲要好舒適嘅環境添。 520元春節套餐 春節系列就係一個大型嘅紅色禮盒,打開會見到金色「暴富」嘅牌子,真係夠晒意頭。盒內有多達六款唔同嘅牛肉:壽喜燒紅標肩小排、牛小排、肩胛牛五花、和牛角切、和牛羽下肉和超厚切老饕小排。我自己就最鍾意同蛋汁一齊食嘅壽喜燒,充滿油香口感又特別幼滑。 鮮活生蠔2個 大隻新鮮靚生蠔,口感爽口又帶微弱嘅海水和金屬味。 時蔬香腸拼盤 有極之鮮甜嘅粟米、蘑菇仲有我最鍾意嘅墨魚腸同埋豬肉腸。墨魚腸我真係第一次食,黑色猶大香濃嘅墨魚甜味。 沙律 總共有兩款可以揀,分別係主廚沙律同埋馬鈴薯泥沙律,食完牛肉清吓喉嚨都好正呀。 湯品 同樣有牛肉湯同埋海鮮湯可以揀,作為牛肉愛好者嘅我一定會揀牛肉,味道濃郁好多。 和風醬燒拌飯 本身都已經食到好飽,但係佢哋用醬汁煮成嘅拌飯真係好吸引,我呢忍唔住食多幾啖。 最後當然到咗甜品嘅環節,水果乳酪同埋冰凍嘅雪糕作為依餐嘅總結真係無可挑剔。 佢哋新年都會照常營業,又係時候返深圳食返一餐好嘅。 野岩炙(萬象店) 🔹地址:羅湖區南湖街道嘉賓路4051號金威大廈三樓 #OK即刻有#祝大家生日快樂#深圳美食

地址
深圳
中國廣東深圳
評分
5/5
good
👍
下一篇載入中