[{"@context":"https://schema.org","@type":"Article","headline":"得啖笑 (19) - 跟人口水尾試試","image":["https://cloudapp01.ulifestyle.com.hk/post/600-16-9-CR-1-RB-1/post_1784776144943.jpeg"],"datePublished":"2026-07-25 01:00:35+08:00","url":"/community/detailpost/e4678e73-9ef7-4ac1-902e-37b5e67cedc0/吹水/得啖笑-19-跟/dinodaddy/858167","author":{"@type":"Person","name":"dinodaddy","url":"https://www.ulifestyle.com.hk/community/user_profile/858167/dinodaddy"},"text":"最近睇到單嘢，話有人為咗突破九巴投訴系統嗰100字限制，竟然用文言文寫投訴信！\n\n文言文？！以前中學見到都怕怕！不過呢單嘢睇落真係好勁，完美證明香港人能屈能伸，創意無限。\n\n當然啦，我哋並非每一日都需要投訴，但係能善用語言溝通，絕對係好事。做老公的就明白，有時同老婆講嘢，言短不宜長，意境搭夠就最好。\n\n今日我就坐喺度諗，試試怎樣用？\n\n***應用情況一：寫辭職信\n\n我哋嗰個年代辭職，一係就忍無可忍拍枱大叫「我不幹了」，一係就虛情假意咁寫「多謝公司栽培」。\n\n但依家面對刻薄老細、無盡嘅OT，無理嘅 KPI，交辭職信，斯文人唔寫粗口，可以用18個字，淡淡然寫住：\n\n> 「才疏學淺，難堪大任；青山不改，綠水長流。告辭。」\n\n你細心𡁻吓呢幾隻字，嗰種感情之細緻，簡直係降維打擊！老細睇到，想發脾氣都搵唔到發力點。呢位員工唔係真係覺得自己「才疏學淺」，佢係用最謙卑嘅字眼，去表達最高傲嘅不屑。潛台詞係：「你個池塘太細，養唔起我呢條蛟龍。」呢種割席，將一份對職場嘅心灰意冷，昇華到好似大俠退隱江湖咁浪漫。呢啲就係距離感產生嘅美。\n\n***應用情況二：寫天氣預報\n\n最近嘅天氣，成日原本猛烈嘅太陽突然傾盆大雨。\n\n天文台呢句神級\"預報\":「短暫時間有陽光，局部地區性有驟雨，雷暴警告現正生效。」轉做文言文大可以引用：「東邊日出西邊雨，道是無晴卻有晴。」意境是另一個層次。\n\n最刺激係打風，掛八號風球，天氣預報會變成：\n\n> 「妖風陣陣，黑雲壓城！八號風球現已高懸。狂風拔木，飛沙走石。眾卿家速速歸家，緊閉門窗。超市杯麵已遭搶購一空，望天打卦可也。」\n\n文言文最叻嘅就係「模糊」同意境，但天氣預報最需要「精準」，呢種衝突，諗起都覺得搞笑。\n\n***應用情況三：求業主手下留情\n\n上星期手機突然「叮」一聲。WhatsApp 彈出業主陳生嘅訊息：「x生，下個月死約完啦喎，順應市況，下份約加兩千啦，大家咁熟，平畀你㗎啦。」\n\n嗰一刻，我深深體會到咩叫「屋漏偏逢連夜雨」。阿女喺英國啲學費同生活費好似倒水咁 ,我依家份人無欲無求，唯一嘅「求」，就係求固定開支唔好再大。\n\n發窮惡太失禮，乞兒上身又冇面。點樣可以喺「冇錢」同「骨氣」之間攞個平衡？冇錯，我可以用文言文回應。古代有諸葛亮嘅《出師表》，今日有我寫嘅《不加租表》🤣：\n\n> 「敬啟者：業主陳公台鑒。寓居貴宅，倏忽數載。蒙閣下關顧，瓦遮頭之恩，銘感五內。然近歲維艱，百業蕭條。下有犬女遊學於英倫，英鎊如流水；僕雖已退隱，閒雲野鶴，然股市無常，囊中日漸羞澀。忽聞閣下欲加租金兩千，實令僕寢食難安。\n\n希望業主睇完呢段，個心或者已經唔好意思加租，跟住再續寫其實間屋也有問題，不加租才是：\n\n> 念及往日按時交租，未嘗拖欠分毫；且敝處水管微恙、冷氣滴水，僕亦自行修繕，未敢勞煩尊駕。懇請閣下體恤，暫緩加租。若能原價續約，僕必當結草銜環，朝夕焚香，祝閣下物業連城。臨表涕零，不知所云。」\n\n「自行修繕，未敢勞煩」係最高招嘅情緒勒索，潛台詞即係：「間屋咁多小修小補我都啃咗，你仲好意思加租？」窮到盡頭嘅骨氣，就係我求你，但我求得好優雅。\n\n正當我滿心歡喜準備㩒「發送」，老婆行咗埋嚟。佢靜靜地企喺我背後，望住個螢幕。空氣突然安靜咗十秒。佢嘆咗口氣。嗰種嘆氣聲，唔係勞氣，而係包含住對歲月流逝嘅無奈，同一種「點解嫁咗個傻佬」嘅極致慈悲。\n\n我未及反應，佢已經轉身行向廚房，留低一句幽幽嘅指令：\n\n「搞咁多無謂嘢，不如你打開手機個『超市shopping list』——加多包米、一排雞蛋，同埋兩罐豆豉鯪魚。下個月加租，我哋提早適應吓清貧生活啦。」\n\n嗰一刻我終於明白，文言文可以掩飾我哋嘅貧窮，但掩飾唔到下個月要交多兩千蚊嘅事實。算啦，人生流流長，笑得一場得得一場。😂😉\n\r\n #投訴 #退休 #吹水 #生活哲學 #熱話 #文言文 #得啖笑\r\n\r\n(此文章由U Blog 同步發佈至社群)"},{"@context":"https://schema.org","@type":"DiscussionForumPosting","headline":"得啖笑 (19) - 跟人口水尾試試","image":["https://cloudapp01.ulifestyle.com.hk/post/600-16-9-CR-1-RB-1/post_1784776144943.jpeg"],"datePublished":"2026-07-25 01:00:35+08:00","url":"/community/detailpost/e4678e73-9ef7-4ac1-902e-37b5e67cedc0/吹水/得啖笑-19-跟/dinodaddy/858167","author":{"@type":"Person","name":"dinodaddy","url":"https://www.ulifestyle.com.hk/community/user_profile/858167/dinodaddy"},"text":"最近睇到單嘢，話有人為咗突破九巴投訴系統嗰100字限制，竟然用文言文寫投訴信！\n\n文言文？！以前中學見到都怕怕！不過呢單嘢睇落真係好勁，完美證明香港人能屈能伸，創意無限。\n\n當然啦，我哋並非每一日都需要投訴，但係能善用語言溝通，絕對係好事。做老公的就明白，有時同老婆講嘢，言短不宜長，意境搭夠就最好。\n\n今日我就坐喺度諗，試試怎樣用？\n\n***應用情況一：寫辭職信\n\n我哋嗰個年代辭職，一係就忍無可忍拍枱大叫「我不幹了」，一係就虛情假意咁寫「多謝公司栽培」。\n\n但依家面對刻薄老細、無盡嘅OT，無理嘅 KPI，交辭職信，斯文人唔寫粗口，可以用18個字，淡淡然寫住：\n\n> 「才疏學淺，難堪大任；青山不改，綠水長流。告辭。」\n\n你細心𡁻吓呢幾隻字，嗰種感情之細緻，簡直係降維打擊！老細睇到，想發脾氣都搵唔到發力點。呢位員工唔係真係覺得自己「才疏學淺」，佢係用最謙卑嘅字眼，去表達最高傲嘅不屑。潛台詞係：「你個池塘太細，養唔起我呢條蛟龍。」呢種割席，將一份對職場嘅心灰意冷，昇華到好似大俠退隱江湖咁浪漫。呢啲就係距離感產生嘅美。\n\n***應用情況二：寫天氣預報\n\n最近嘅天氣，成日原本猛烈嘅太陽突然傾盆大雨。\n\n天文台呢句神級\"預報\":「短暫時間有陽光，局部地區性有驟雨，雷暴警告現正生效。」轉做文言文大可以引用：「東邊日出西邊雨，道是無晴卻有晴。」意境是另一個層次。\n\n最刺激係打風，掛八號風球，天氣預報會變成：\n\n> 「妖風陣陣，黑雲壓城！八號風球現已高懸。狂風拔木，飛沙走石。眾卿家速速歸家，緊閉門窗。超市杯麵已遭搶購一空，望天打卦可也。」\n\n文言文最叻嘅就係「模糊」同意境，但天氣預報最需要「精準」，呢種衝突，諗起都覺得搞笑。\n\n***應用情況三：求業主手下留情\n\n上星期手機突然「叮」一聲。WhatsApp 彈出業主陳生嘅訊息：「x生，下個月死約完啦喎，順應市況，下份約加兩千啦，大家咁熟，平畀你㗎啦。」\n\n嗰一刻，我深深體會到咩叫「屋漏偏逢連夜雨」。阿女喺英國啲學費同生活費好似倒水咁 ,我依家份人無欲無求，唯一嘅「求」，就係求固定開支唔好再大。\n\n發窮惡太失禮，乞兒上身又冇面。點樣可以喺「冇錢」同「骨氣」之間攞個平衡？冇錯，我可以用文言文回應。古代有諸葛亮嘅《出師表》，今日有我寫嘅《不加租表》🤣：\n\n> 「敬啟者：業主陳公台鑒。寓居貴宅，倏忽數載。蒙閣下關顧，瓦遮頭之恩，銘感五內。然近歲維艱，百業蕭條。下有犬女遊學於英倫，英鎊如流水；僕雖已退隱，閒雲野鶴，然股市無常，囊中日漸羞澀。忽聞閣下欲加租金兩千，實令僕寢食難安。\n\n希望業主睇完呢段，個心或者已經唔好意思加租，跟住再續寫其實間屋也有問題，不加租才是：\n\n> 念及往日按時交租，未嘗拖欠分毫；且敝處水管微恙、冷氣滴水，僕亦自行修繕，未敢勞煩尊駕。懇請閣下體恤，暫緩加租。若能原價續約，僕必當結草銜環，朝夕焚香，祝閣下物業連城。臨表涕零，不知所云。」\n\n「自行修繕，未敢勞煩」係最高招嘅情緒勒索，潛台詞即係：「間屋咁多小修小補我都啃咗，你仲好意思加租？」窮到盡頭嘅骨氣，就係我求你，但我求得好優雅。\n\n正當我滿心歡喜準備㩒「發送」，老婆行咗埋嚟。佢靜靜地企喺我背後，望住個螢幕。空氣突然安靜咗十秒。佢嘆咗口氣。嗰種嘆氣聲，唔係勞氣，而係包含住對歲月流逝嘅無奈，同一種「點解嫁咗個傻佬」嘅極致慈悲。\n\n我未及反應，佢已經轉身行向廚房，留低一句幽幽嘅指令：\n\n「搞咁多無謂嘢，不如你打開手機個『超市shopping list』——加多包米、一排雞蛋，同埋兩罐豆豉鯪魚。下個月加租，我哋提早適應吓清貧生活啦。」\n\n嗰一刻我終於明白，文言文可以掩飾我哋嘅貧窮，但掩飾唔到下個月要交多兩千蚊嘅事實。算啦，人生流流長，笑得一場得得一場。😂😉\n\r\n #投訴 #退休 #吹水 #生活哲學 #熱話 #文言文 #得啖笑\r\n\r\n(此文章由U Blog 同步發佈至社群)"},{"@context":"https://schema.org","@type":"ImageObject","contentUrl":"https://cloudapp01.ulifestyle.com.hk/post/600-16-9-CR-1-RB-1/post_1784776144943.jpeg","creator":{"@type":"Person","name":"dinodaddy"}}]