[{"@context":"https://schema.org","@type":"Article","headline":"親子友好餐廳！滿天星蛋包飯😋！","image":["https://video-playback.ulifestyle.com.hk/ul/converts/202511/221685/20251125/hls/post_detail_1764076698273.m3u8"],"datePublished":"2025-11-25 21:21:17+08:00","url":"/community/detailpost/e3d9e8e5-a014-462a-a1de-8eeccaa1b9be/親子/親子友好餐廳滿天星蛋/Dada媽媽/221685","author":{"@type":"Person","name":"Dada媽媽","url":"https://www.ulifestyle.com.hk/community/user_profile/221685/Dada媽媽"},"text":"星期日Family day,梗係去海港城行街啦!行到一半小朋友嗌肚餓,搵到呢間喺日本有47年歷史嘅｢ｸﾞﾘﾙ滿天星｣~東京超人氣日式蛋包飯專門店!餐廳環境幾舒服,間隔闊落,坐得鬆動,啱晒一家人慢慢食吓嘢､傾下偈~一坐低梗係先嗌飲品解吓渴啦!\n\n🍫朱古力奶昔 & 🍵抹茶奶昔\n小朋友一見到個餐牌就雙眼發光!杯朱古力奶昔香濃冰凍,面頭仲有靚靚忌廉同曲奇,簡直係小朋友嘅快樂源泉!我就揀咗抹茶奶昔,茶味甘香得嚟又唔會太甜,同埋口感超級Creamy,未食主菜已經飲咗半杯!\n\n巨峰乳酸梳打🍇\n爸爸之選!酸酸甜甜嘅巨峰提子味,加上清爽嘅乳酸同梳打氣泡,非常解膩,飲完成個人醒神晒!\n\n🥗蟹肉薯仔沙律\n未開餐前食返個沙律先,配搭沙律醬唔會落得太重,淡淡哋帶出蟹肉鮮味,開胃!\n\n炸魚薯條🍟\n有邊個小朋友可以抵擋咁吸引嘅美食😆魚柳炸得金黃香脆,薯條即點即炸,熱辣辣,食到lam lam脷~\n\n滿天星咖喱嚴選日本雞扒蛋包飯\n呢個真係必點!咖喱汁多又香,蛋包飯滑溜溜,雞扒煎得啱啱好,一啲都唔｢鞋｣~日式咖喱溫和唔辣,小朋友食到停唔到口!\n\n🆕超濃郁火炙原片明太子意粉\n意粉控注意!忌廉､牛油同明太子調成嘅醬汁超濃厚,每條意粉都掛滿醬汁,仲要煮到Al dente,彈牙又吸味~上面鋪滿三文魚子､火炙原片明太子同紫菜,味道層次爆燈!食落先係明太子嘅鹹香,再將原片明太子撈勻,鮮味即刻昇華!三文魚子喺口裡面爆破,加埋醬汁同彈牙意粉,真係充滿海洋氣息同奶油滑順,正到不得了!\n\n經典芝士漢堡🍔\n家姐一直都好鍾意食漢堡!呢份特濃芝士漢堡真正啱曬佢口味呀!漢堡肉香濃多汁,兩姊妹食到手指都要舐埋🤣\n\n🫐藍莓紫薯窩夫🧇 & 🍓士多啤梨疏乎厘班戟🥞\n甜品時間~窩夫外脆內軟,藍莓紫薯味道好香!疏乎厘空氣感十足,上枱仲識震震下😆入口即化,配上新鮮士多啤梨同香甜忌廉,幸福到不得了!兩款都係打卡首選!\n\n飲品又好飲,今餐大人細路都超滿足~滿天星食物有水準,環境舒服,下次去海港城又可以再搵到一家人落腳餐廳!\n\n🌟ｸﾞﾘﾙ滿天星(尖沙咀)\n📌地址:尖沙咀廣東道3-27號海港城海運大廈3樓OT301-301A號舖\n\n@mentenboshi.hk @prelation.pr\n#滿天星 #日式蛋包飯 #明太子意粉 #海港城美食 #家庭樂 #尖沙咀美食 #甜品控 #日本過江龍 #奶昔控#巨峰提子\n "},{"@context":"https://schema.org","@type":"DiscussionForumPosting","headline":"親子友好餐廳！滿天星蛋包飯😋！","image":["https://video-playback.ulifestyle.com.hk/ul/converts/202511/221685/20251125/hls/post_detail_1764076698273.m3u8"],"datePublished":"2025-11-25 21:21:17+08:00","url":"/community/detailpost/e3d9e8e5-a014-462a-a1de-8eeccaa1b9be/親子/親子友好餐廳滿天星蛋/Dada媽媽/221685","author":{"@type":"Person","name":"Dada媽媽","url":"https://www.ulifestyle.com.hk/community/user_profile/221685/Dada媽媽"},"text":"星期日Family day,梗係去海港城行街啦!行到一半小朋友嗌肚餓,搵到呢間喺日本有47年歷史嘅｢ｸﾞﾘﾙ滿天星｣~東京超人氣日式蛋包飯專門店!餐廳環境幾舒服,間隔闊落,坐得鬆動,啱晒一家人慢慢食吓嘢､傾下偈~一坐低梗係先嗌飲品解吓渴啦!\n\n🍫朱古力奶昔 & 🍵抹茶奶昔\n小朋友一見到個餐牌就雙眼發光!杯朱古力奶昔香濃冰凍,面頭仲有靚靚忌廉同曲奇,簡直係小朋友嘅快樂源泉!我就揀咗抹茶奶昔,茶味甘香得嚟又唔會太甜,同埋口感超級Creamy,未食主菜已經飲咗半杯!\n\n巨峰乳酸梳打🍇\n爸爸之選!酸酸甜甜嘅巨峰提子味,加上清爽嘅乳酸同梳打氣泡,非常解膩,飲完成個人醒神晒!\n\n🥗蟹肉薯仔沙律\n未開餐前食返個沙律先,配搭沙律醬唔會落得太重,淡淡哋帶出蟹肉鮮味,開胃!\n\n炸魚薯條🍟\n有邊個小朋友可以抵擋咁吸引嘅美食😆魚柳炸得金黃香脆,薯條即點即炸,熱辣辣,食到lam lam脷~\n\n滿天星咖喱嚴選日本雞扒蛋包飯\n呢個真係必點!咖喱汁多又香,蛋包飯滑溜溜,雞扒煎得啱啱好,一啲都唔｢鞋｣~日式咖喱溫和唔辣,小朋友食到停唔到口!\n\n🆕超濃郁火炙原片明太子意粉\n意粉控注意!忌廉､牛油同明太子調成嘅醬汁超濃厚,每條意粉都掛滿醬汁,仲要煮到Al dente,彈牙又吸味~上面鋪滿三文魚子､火炙原片明太子同紫菜,味道層次爆燈!食落先係明太子嘅鹹香,再將原片明太子撈勻,鮮味即刻昇華!三文魚子喺口裡面爆破,加埋醬汁同彈牙意粉,真係充滿海洋氣息同奶油滑順,正到不得了!\n\n經典芝士漢堡🍔\n家姐一直都好鍾意食漢堡!呢份特濃芝士漢堡真正啱曬佢口味呀!漢堡肉香濃多汁,兩姊妹食到手指都要舐埋🤣\n\n🫐藍莓紫薯窩夫🧇 & 🍓士多啤梨疏乎厘班戟🥞\n甜品時間~窩夫外脆內軟,藍莓紫薯味道好香!疏乎厘空氣感十足,上枱仲識震震下😆入口即化,配上新鮮士多啤梨同香甜忌廉,幸福到不得了!兩款都係打卡首選!\n\n飲品又好飲,今餐大人細路都超滿足~滿天星食物有水準,環境舒服,下次去海港城又可以再搵到一家人落腳餐廳!\n\n🌟ｸﾞﾘﾙ滿天星(尖沙咀)\n📌地址:尖沙咀廣東道3-27號海港城海運大廈3樓OT301-301A號舖\n\n@mentenboshi.hk @prelation.pr\n#滿天星 #日式蛋包飯 #明太子意粉 #海港城美食 #家庭樂 #尖沙咀美食 #甜品控 #日本過江龍 #奶昔控#巨峰提子\n "},{"@context":"https://schema.org","@type":"ImageObject","contentUrl":"https://video-playback.ulifestyle.com.hk/ul/converts/202511/221685/20251125/hls/post_detail_1764076698273.m3u8","creator":{"@type":"Person","name":"Dada媽媽"}}]