刺身 +刺身 + 海鮮 + 安格斯牛 = 高質冬の鍋物套餐

朋友生日,想食刺身又想食火鍋,但又唔想食buffet限時又chur住食,想食得嘆啲咁話,腦海🧠裏面嘅bookmark 📗就浮現咗呢間餐廳 餐廳係樓上舖,裝修簡潔,枱與枱之間嘅間距闊落,坐得舒服😃 叫咗兩個冬の鍋物套餐,優惠價$398/位,套餐包括有7點刺身盛、8點海鮮盛盒、3款肉類、2款肉滑、野菜盛盒、烏冬/飯及甜品 🫕湯底有四款可以揀,有鯛魚湯、大蜆清湯、雞白湯及我哋所揀嘅日式濃厚蝦湯,湯底真係超濃香蝦味,可謂濃而不鹹 🥢極上7點刺身盛 造型好靚,好有新年氣氛,件件都好厚切,最鍾意食當然係我哋嘅至愛👇  甜蝦爽彈鮮甜  池魚爽口肥美  油甘魚爽脆魚味濃  其他幾款刺身都好鮮甜又新鮮 🥢時令海鮮8點盛合 成隻船上,夠哂氣派,今次嘅時令8點包括有龍蝦、蟶子、貴妃蚌、生蠔、鮑魚、海班、大蜆及生蝦  龍蝦好新鮮,超爽彈鮮甜  蟶子爽、甜、鮮  蝦爽彈  生蠔爽口鮮甜  鮑魚Q彈爽口  海班超濃魚味又甜鮮  大蜆海水味濃,新鮮無沙  貴妃蚌鮮甜夠嫩 🥢3款肉類   安格斯肉眼肉味夠濃,入口軟腍  西班牙豚肉甘香爽甜   美國牛側腹食落有質感,味道帶甜香 🥢2款自家制肉滑 紅色蟹籽嘅係蝦滑,黑色蟹籽嘅係墨魚滑,一紅一黑嘅非常吸晴,火鍋不能缺少的食材 🥢野菜盛合 種類非常之多,迎合多心嘅我哋,包括有春菜、蘿蔔、本菇、南瓜、粟米、黃芽白、生菜、豆腐、鮮冬菇、蒟蒻及大蔥 🥢稻庭烏冬或御飯 我哋揀咗烏冬,烏冬質地Q彈,啱哂愛好澱粉質嘅我哋 🍦雪糕 結尾嘅甜品係柚子雪糕,清新唔甜,食完好醒胃添😋 醬料有經典四寶😙,就係豉油、蒜蓉、蔥花及辣椒😝 除咗食物質素高及坐得舒服之外,呢間餐廳嘅侍應服務仲好好,細心有禮🥰,時常加湯及添茶👍 📍醉忘魚屋 銅鑼灣登龍街28號永光中心13樓 #火鍋 #日式料理 #銅鑼灣美食 #刺身盛 #醉忘魚屋 (此文章由U Blog 同步發佈至社群)

地址
銅鑼灣
香港銅鑼灣
評分
5/5
👍
下一篇載入中