滿滿異國風情主題餐廳 打卡一流😍

難得地即日食即日出！嚟咗深水埗呢間環境好靚嘅多國菜餐廳🥰好多人以為佢係土耳其餐廳，但係其實有好多其他菜式選擇！餐廳嘅裝飾超有心思，連牆上面嘅pattern都睇得出係手畫，值得你喺度影返幾張相～ 午餐時候當然有套餐！套餐有沙律主食飲品再可以加購甜品！當然要嗌返個不得不試嘅土耳其雞卷，幾鍾意佢入面嘅配料，青瓜洋蔥嗰啲，應該幾啱香港人口味😌而且佢有三舊，嗌嚟同朋友share試都好🤩 另外仲有嗌冬陰功海蝦魷魚扁意粉，睇落嘅顏色比平時食開嘅冬陰功淡，但係唔好低估佢，食落好香辣惹味😩意粉軟硬又適中，海鮮又唔係得兩三件，所以雖然份量唔多，都覺得滿足～ 紅茶一定飲得多，但係土耳其紅茶就真係第一次！飲落個味道幾得意，對呢種味好陌生，但係因為個冬陰功太惹味，我而家唔係好形容到紅茶嘅味🤣 仲有甜品開心果千層酥，個底凍凍地咬落去有啲糖水出咗嚟，整體係食落去好甜，不過佢好䄂珍所以唔會膩嘅😂 我食嘅時候都有影咗好多相🥹因為環境佈置真係好靚，有如去咗異國咁，啱曬想影靚相po ig嘅sis🥹 🌯 Lonely Paisley 📍 深水埗福華街182-186嘅怡華閣地下A舖 #攻略#社群時間囊 #社群相聚 #生活足跡 #2023日常 #熱門菜式 #食咗先講 #香港美食 #打卡美食挑戰 #hkfoodie #土耳其菜 #深水埗