深圳 fufuland 舒芙蕾 | 抹茶軟雪糕梳乎厘班戟|

https://youtu.be/ad7UAGbH2RI 深圳皇庭廣場新開嘅甜品店Fufuland，專賣疏乎厘＋軟雪糕專門店，除左深圳之後，係大陸好多地方都有分店，而呢間位於皇庭廣場既分店岩岩係一月開，咁當然要去朝聖一下。 佢嘅位置呢就係喺皇庭廣場地下層中庭位置，即係大家經過卡馬王子之後，向右面方向行，大約一分鐘左右，就會見到㗎喇。 咁究竟fufuland有咩吸引力呢，我哋先睇下呢間店嘅招牌貨先啦，咁就係呢個梳乎厘班戟，即係佢地叫嘅舒芙蕾啦 呢度買嘅產品主要分為3類 1 梳乎厘系列： 主要呢就係將一啲整好咗嘅梳乎厘中間切開一半，然後就夾一啲餡料入去，咁d餡料係一啲唔同味嘅cream同埋生果, 例如有北海道牛乳、宇治抹茶柚子、杏仁豆腐、雪覆草莓、 海鹽奧利奧、雪覆晴王、抹茶等等d味道。價錢$16-23 2. 軟雪糕系列，呢個先至係我今日嘅重點， 雪糕有兩個口味包括係牛奶同埋抹茶b，價錢$23 3. 軟雪糕加梳乎厘pancake系列， 咁，呢個就係最多人打卡買嚟食，睇得又食得，係我覺得最值得推介項目 對於一個喜歡吃甜品的人來說疏乎厘是非常吸引，因為佢口感輕盈， 食起上嚟既罪惡感相對較少。 由於我本身都係抹茶控，所以我係揀咗抹茶軟雪糕加梳乎厘pancake。抹茶雪糕，食落去不会甜膩，甜度岩岩好，口感綿密， 綠茶味都算幾濃鬱 ，梳乎厘班戟，口感都q彈, 但蛋香味爭少少，有入口即融的感觉， 有人就鍾意兩樣加埋一齊食，不過我就覺得分開食，可以食到兩種唔同嘅味道其實係更加好嘅 ，另外仲粒草莓，一次吃到3 种食物，都只係$29，性價比幾高。