上環區手工火鍋店🤩老火湯做湯底✨

突然間好想打邊爐，就同另一半去公司附近，食打邊爐私房菜。 嚟呢度一定要試下佢哋嘅老火湯湯底，見近排天氣開始乾燥，我哋揀咗椰子雞鍋＄298 ～湯底足料，有龍眼肉、紅棗、杞子、椰子、走地雞，飲落去好清甜，好香椰青味，店員話一煲足足開咗三個椰青水嚟整😍走地雞雞肉入口扎實，飲咗兩大碗湯，我哋就開始打邊爐。 水晶叉燒包 ($88) 水晶皮外皮晶瑩剔透，咬下去很彈牙，內餡叉燒肉色澤紅潤，入口甜甜地，鮮嫩又多汁！ 水晶奶皇包 ($88) 奶皇內餡絲滑綿密，帶有濃郁奶香。 脆骨魚腩 ($118) 我嘅至愛🩷魚肉鮮嫩，吃起來既有嚼勁又不失柔軟，口感有啲似食豬扒咁正。 鮮滑牛肉 ($168) 牛肉經過處理切成薄片，偶爾幾件食落有啲筋，勝在質地口感柔軟，帶有濃郁牛味。 廣島蠔 ($158) 大大隻，蠔肉鮮嫩飽滿，口感豐腴，滾完依然帶有鹹香，新鮮。 整體食材用得高質，雖然價錢略高，點心類都係師傅親手整，淨係呢度已經值回票價🥰