隱世越南菜 由越南新娘全程主理

. 係香港似乎越南菜從來都唔係主流,但係越南菜一直都唔缺乏捧場客,要係香港食到越南菜真係區區都有🧐 . 但係九龍灣區既越南菜選擇並唔係好多,區內居民如果想要品嚐到越南菜以往最少要步行到德福廣場,令到牛頭角道依一帶既居民,例如淘大花園、得寶花園等,要步行十五分鐘或以上路程先可以食到🧐 .就係今年既年中,有一間主打越南菜既餐廳靜靜地係得寶花園開張,而老闆娘更加係正宗越南新娘,食材非常講究,各位牛頭角道既居民有福了🤩 ✼••┈┈••✼••┈┈••✼••┈┈••✼••┈┈••✼ ✦傳統扎肉法治($50)🥖 .一直以黎我有兩個問題,第一,點解作為亞洲地區,竟然會咁重視麵包,第二,點解咁多種麵包唔揀,偏偏要揀法國麵包? .依一切一切,其實係因為越南曾經係法國既殖民地,所以法國麵包得以引進到越南而同時經過改良 .而依間小店,亦用上越南風味既法包,切開後加入扎肉、紅蘿白絲、青瓜絲等 .呈出現黎既口感,法包非常蓬鬆而酥脆,配菜令人有清新既感覺😋 ✦南越特色牛肉檬粉($63)🍜 .係開業初期小店並無打算將檬粉轉成湯粉形式售賣,只有撈檬供應,之後有唔少客人反映想食湯粉類,所以先有依家依類菜式,可見小店既老闆娘非常接受客人既意見以及好有人情味 .店家係每一個部分都非常有心思,由檬粉到湯底都可以體現到佢地一絲不苟既精神 .佢地選用既檬粉並唔係坊間常見既細軟檬粉,而係粗身同時帶有一定既彈性,令到檬粉更大面積掛上湯汁,更適合用黎做湯粉! .小店並非以濃郁既湯底黎取勝,湯底雖然清淡但成功為各種食材提鮮,而同時又唔會覆蓋食材本身既味道,尤其半生熟既牛肉,本身肉質已經非常鮮嫩,湯底更能帶出本身既牛肉味😋 ✦香茅豬扒咖哩飯($52)🍛 .香茅豬扒如果要做得好,豬扒經過醃製後,必需要吸滿香茅味 .而呢間小店既香茅豬扒可算係合格有餘,每一塊豬扒都滲出微微既香茅味,同時豬扒亦非常鬆軟 ✦蒜蓉牛油雞翼($35)🧄🧈 .依味小食幾乎已經成為每間越南菜館必有既菜式,但要真係整得好,真係數數手指都無五間,一係就無蒜蓉味,一係就無牛油味,彷彿依兩樣食材天生就好難取得平衡 .而呢間既蒜蓉牛油雞翼,未食已經聞到好大陣蒜蓉味,食落第一啖蒜蓉味似乎始終都係稍稍領先,但牛油味亦隨之慢慢係口腔之間徘徊,能夠做到依個水平小店黎講真係非常驚喜😲 ✦炸越南春捲($22) ✦炸網絲春捲($28) .一直以黎以為越南春捲必然係網絲,但依間小店竟然有「越南春捲」同埋「網絲春捲」兩款選擇,小妹的確係太過孤陋寡聞,因為真係好想知有咩分別,所以兩樣都叫晒😲 .原來,兩者最大既分別係,越南春捲係用上「米紙」包裹,而網絲春捲係用上獨特既「網絲春捲皮」🧐 .所以,兩者口感都獨樹一格,「米紙」經過油炸後,顏色較為深黃,口感微脆,肉汁完全包裹係帶有一點韌性既米紙之內;「網絲春捲皮」油炸之後顏色較為淺,或許係依種皮比較容易炸燶,不宜長時間處於油炸既狀態,輕輕咬一啖,會發現肉汁會透過酥脆既網絲窿慢慢滲出,最後肉汁會滲透整隻網絲春捲,形成獨有既風味😋😋 ✦樽仔越南咖啡 (原價$20,跟餐$10)☕️ .咖啡亦係由法國傳入越南既飲食文化之一,唔講唔知,越南既咖啡產量係位列於世界前三大! .依款咖啡帶有苦澀同埋香甜既濃郁味道,估唔到小店都能夠做到咁出色既咖啡,真係唔可以錯過! ✦青檸梳打 (原價$20,跟餐$10)🍹 .用咗黎自泰國既品牌--勝獅,加到青檸之後,氣泡超強,非常清新😋 ✼••┈┈••✼••┈┈••✼••┈┈••✼••┈┈••✼ 📍地址: 越安 牛頭角牛頭角道3號得寶商場木馬工房地下FC06號舖 營業時間:星期一至日 11:00-21:00 更多食評👉#Ally食評 #香港美食#香港餐廳#香港#越南菜#foodiehk#hkfoodie#熱門菜式#攻略#hkfood#九龍灣美食#九龍灣必食#必食越南菜

地址
越安
香港牛頭角牛頭角道3號得寶商場FC06號舖
評分
5/5
下一篇載入中