爆多口味脆脆丹麥酥 晚上十二點都有得食

位於福岡中央區西中洲，喺天神中央公園旁邊新開咗間丹麥酥專門店～ 一般店舖通常下晝五點就收工，但呢間就由中午開到晚上十二點，所以玩到夜都可以買嚟當宵夜甜品～ 當然，夜晚嘅款式同量有機會較少～ 如果朝早去，就一定咩都有得揀～ 丹麥酥嘅口味超級多，有蜜柑、香橙、日向夏檸檬、栗子布朗、藍莓、柿… 連士多啤梨都要分三款，分別有福岡甜王、幸の香 同 果醬版～ 我就揀咗幸之香，士多啤梨香味同酸甜會比較強烈，配上甜香嘅吉士醬同奶油，真係夾到不得了～ 另外再揀咗個蜜柑，非常甜蜜，不過啲柑細細粒都好多核，大家可能要再考慮考慮～ 而最重要嘅係，丹麥酥真係超級超級鬆脆～ 一個即刻食，而另一個就算放過夜喺雪櫃，無加熱之後當早餐食，都係依然超級鬆脆，風味依然～ 如果大家去福岡天神區，記得一定要食啦～ 真係好好食😋👍🏻 #日本好去處#日本必食#日本之旅#旅行美食#旅行打卡#旅遊行程#UCreator