烤肉哥哥OPPA Korean

烤肉哥哥OPPA Korean 係旺角往旺角東橋下附近 見門面幾有韓風好吸引 店內有多幅壁畫,色彩繽紛。餐廳採用傳統韓國燒肉店既燒烤枱,夠曬地道。 兩隻原隻凍鮑魚,收費$88。口感彈牙,加上雪凍左好解暑。 餐廳貼心送上前菜4小碟及一份生菜給客人包肉食。前菜中我最喜歡海帶,質地夠軟,加入麻油芝麻很開胃。而且係可以有我韓烤最愛既「爐邊蛋」,依個爐係只有單邊位整蛋,加左好多泡菜令到個蛋更多香;因為份量少既關係我用$18加配左一份。 叫左份鳳梨牛肋肉,外型霸氣,係原個菠蘿上面放上兩層牛肋肉,打卡一流。牛肋肉係已經醃過,滿滿的照燒汁味,配上燒過的菠蘿片,味道好夾。 另外主菜點了一份黑毛豬拼盤,包括西冷、豬鞍及五花腩。五花腩相對是較易燒的,放上去燒完剪成長條形會快點熟,點少許醬油食好好味。 西冷及豬鞍相對燒熟需時,而且每一段時間便需反轉防止焦黑,所以要有耐性,慢煮過後最好用筷子檢查沒有血水才食用。 依兩款肉質地是少少軟身,但也會有點咬口。肉質有機會有點乾身,建議可點多些醬汁配上泡菜及生菜一同吃。因為生肉經過燒烤時會同時釋出肉汁及油份,食到中途容易感到「滯」,需要利用菜作中和及減少油膩感。 這間韓式燒肉店幾有韓國風味,若想起了韓國旅遊的味道,建議大家到依間燒肉「懷念一下」。 #2023必玩必食#2023香港必到 #烤肉哥哥#oppa #韓國美男 #爐邊蛋 #四免前菜 #黑毛豬 #鳳梨牛肋條 #生菜包肉 #旺角美食 #初戀飲品 #懷念韓國之旅 #止旅行癮

地址
Oppa Korean BBQ
Kaisaniemenkatu 3, 00100 Helsinki, 芬蘭
評分
4/5
下一篇載入中