[{"@context":"https://schema.org","@type":"Article","headline":"土瓜灣隱世明星店· 十周年超筍懷舊宴","image":["https://video-playback.ulifestyle.com.hk/ul/converts/202609/739402/20260901/hls/post_detail_1788252229051.m3u8"],"datePublished":"2026-09-01 16:43:53+08:00","url":"/community/detailpost/c8eef745-6e00-42ad-9213-836aa5290d92/香港攻略/土瓜灣隱世明星店-十/finger-cons/739402","author":{"@type":"Person","name":"finger cons","url":"https://www.ulifestyle.com.hk/community/user_profile/739402/finger-cons"},"text":"懷舊手工粵菜買少見少,朋友特登帶我哋嚟土瓜灣一間街坊菜館｢喜滿樓菜館｣食懷舊宴,而家十周年誌慶有優惠價,仲有唔同手工菜可以揀,四位起,仲係免加一,不過只限平日｡交通方便,土瓜灣站行兩分鐘就到,附近仲有好多錶位,揸車嚟都唔使煩｡\n\n菜館唔算好大,不過有樓上,坐低已經聽到廚房傳來風爐｢蓬~蓬~｣聲,師傅拋緊鑊嘅節奏,淨係聽都知一定有鑊氣｡裝修保留住舊式酒家嘅情懷,牆上仲有好多明星合照,原來仲係隱世明星食堂,長期爆場,想食真係最好訂定枱｡\n\n喜滿樓超筍懷舊宴 (四位起) $288/位\n✥ 爵士燉湯\n有兩款燉湯可揀,我哋揀咗呢款爵士燉湯,原盅燉足八個鐘,勁足料,有蜜瓜､螺頭､金華火腿､豬𦟌同雞腳,火候夠晒,飲落清甜又濃郁,仲好大盅,我哋每人都飲咗幾碗｡𢳂出嚟成碟湯渣,啲螺頭同雞腳都煲到入晒味,我哋幾個爭住食,真係精華所在｡\n\n✥ 鎮店芝麻雞\n話明鎮店,一定要試｡半隻雞都幾大隻,雞皮沾滿芝麻,最勁係炸完芝麻都無甩,皮脆鹹香,咬落去｢嗦嗦｣聲,雞肉厚身得嚟仲有油香同肉汁,就咁食已經好夠味｡另外跟碟芝麻醬,點少少又係另一種風味,推介之選｡\n\n✥ 黑松露蝦多士\n食蝦多士最怕食到成口油,呢度嘅多士炸得乾身完全唔油膩,蝦膠厚身彈牙,直頭厚過多士,真材實料,黑松露味唔會搶,輕輕吊出香氣,食落感覺矜貴得嚟又唔會太over｡\n\n✥ 西蘭花炒龍躉\n龍躉片大塊厚肉,魚味鮮,西蘭花爽脆,芡汁調得剛好,唔會太杰,清清哋但又夠鑊氣｡\n\n✥ 蓮藕煎肉餅\n煎得香口,邊位脆脆地,入面有蓮藕粒爽口,臘味粒帶出鹹香,幾惹味,唔會太油膩,食落有咬口,送飯幾正｡\n\n✥ 影后雲吞 (錦鹵雲吞)\n正宗嘅錦鹵雲吞而家真係少見,錦鹵汁酸甜,入面有蝦､魷魚､叉燒､菠蘿,豬膶特別爽脆,酸甜味平衡得幾好｡炸雲吞大大塊,比平時食過嘅炸得特別酥脆,店員提我哋要淋多啲汁,話咁先係正宗食法,連影后都鍾意食,果然有啲道理｡\n\n✥ 農家臘味炒飯\n臘味粒爆出油香,飯粒炒得乾身分明,粒粒都上晒色,睇得出師傅功架｡不過食到呢度,個個都已經飽到上心口,最後要打包返去,第二日翻熱都仲係好味｡\n\n✥ 甜品\n中式甜品每日唔同,今次係馬蹄糕同千層糕,為呢餐畫上圓滿句號｡\n\n#喜滿樓菜館\n地址:土瓜灣安徽街2號地舖\n#海鮮酒家 #懷舊菜 #香港美食 #土瓜灣美食 "},{"@context":"https://schema.org","@type":"DiscussionForumPosting","headline":"土瓜灣隱世明星店· 十周年超筍懷舊宴","image":["https://video-playback.ulifestyle.com.hk/ul/converts/202609/739402/20260901/hls/post_detail_1788252229051.m3u8"],"datePublished":"2026-09-01 16:43:53+08:00","url":"/community/detailpost/c8eef745-6e00-42ad-9213-836aa5290d92/香港攻略/土瓜灣隱世明星店-十/finger-cons/739402","author":{"@type":"Person","name":"finger cons","url":"https://www.ulifestyle.com.hk/community/user_profile/739402/finger-cons"},"text":"懷舊手工粵菜買少見少,朋友特登帶我哋嚟土瓜灣一間街坊菜館｢喜滿樓菜館｣食懷舊宴,而家十周年誌慶有優惠價,仲有唔同手工菜可以揀,四位起,仲係免加一,不過只限平日｡交通方便,土瓜灣站行兩分鐘就到,附近仲有好多錶位,揸車嚟都唔使煩｡\n\n菜館唔算好大,不過有樓上,坐低已經聽到廚房傳來風爐｢蓬~蓬~｣聲,師傅拋緊鑊嘅節奏,淨係聽都知一定有鑊氣｡裝修保留住舊式酒家嘅情懷,牆上仲有好多明星合照,原來仲係隱世明星食堂,長期爆場,想食真係最好訂定枱｡\n\n喜滿樓超筍懷舊宴 (四位起) $288/位\n✥ 爵士燉湯\n有兩款燉湯可揀,我哋揀咗呢款爵士燉湯,原盅燉足八個鐘,勁足料,有蜜瓜､螺頭､金華火腿､豬𦟌同雞腳,火候夠晒,飲落清甜又濃郁,仲好大盅,我哋每人都飲咗幾碗｡𢳂出嚟成碟湯渣,啲螺頭同雞腳都煲到入晒味,我哋幾個爭住食,真係精華所在｡\n\n✥ 鎮店芝麻雞\n話明鎮店,一定要試｡半隻雞都幾大隻,雞皮沾滿芝麻,最勁係炸完芝麻都無甩,皮脆鹹香,咬落去｢嗦嗦｣聲,雞肉厚身得嚟仲有油香同肉汁,就咁食已經好夠味｡另外跟碟芝麻醬,點少少又係另一種風味,推介之選｡\n\n✥ 黑松露蝦多士\n食蝦多士最怕食到成口油,呢度嘅多士炸得乾身完全唔油膩,蝦膠厚身彈牙,直頭厚過多士,真材實料,黑松露味唔會搶,輕輕吊出香氣,食落感覺矜貴得嚟又唔會太over｡\n\n✥ 西蘭花炒龍躉\n龍躉片大塊厚肉,魚味鮮,西蘭花爽脆,芡汁調得剛好,唔會太杰,清清哋但又夠鑊氣｡\n\n✥ 蓮藕煎肉餅\n煎得香口,邊位脆脆地,入面有蓮藕粒爽口,臘味粒帶出鹹香,幾惹味,唔會太油膩,食落有咬口,送飯幾正｡\n\n✥ 影后雲吞 (錦鹵雲吞)\n正宗嘅錦鹵雲吞而家真係少見,錦鹵汁酸甜,入面有蝦､魷魚､叉燒､菠蘿,豬膶特別爽脆,酸甜味平衡得幾好｡炸雲吞大大塊,比平時食過嘅炸得特別酥脆,店員提我哋要淋多啲汁,話咁先係正宗食法,連影后都鍾意食,果然有啲道理｡\n\n✥ 農家臘味炒飯\n臘味粒爆出油香,飯粒炒得乾身分明,粒粒都上晒色,睇得出師傅功架｡不過食到呢度,個個都已經飽到上心口,最後要打包返去,第二日翻熱都仲係好味｡\n\n✥ 甜品\n中式甜品每日唔同,今次係馬蹄糕同千層糕,為呢餐畫上圓滿句號｡\n\n#喜滿樓菜館\n地址:土瓜灣安徽街2號地舖\n#海鮮酒家 #懷舊菜 #香港美食 #土瓜灣美食 "},{"@context":"https://schema.org","@type":"ImageObject","contentUrl":"https://video-playback.ulifestyle.com.hk/ul/converts/202609/739402/20260901/hls/post_detail_1788252229051.m3u8","creator":{"@type":"Person","name":"finger cons"}}]