又來到大埔小白鷺互動中心，今次去中餐廳「金鷺湖Le Vow 」飲茶。呢間大埔著名純白湖邊歐式建築，裏面北歐風裝修優雅又大氣。 鮮茄魚湯鮮竹卷（三件）$62 鮮竹卷做得到位，外皮香脆，飽滿的餡料鮮味，浸入鮮味魚湯好夾 ，魚湯加入好多蕃茄粒，味道清新。 百花蘿蔔糕$62 臘味蘿蔔糕味道鮮味口感軟糯，面層有脆脆炸蝦肉，推薦配搭自家製XO醬，少少辣食落更加香口。 鮮蝦紅米腸$78 紅米皮夠煙靭，裏面春卷皮又脆再加埋大大嚿蝦肉，美味👍 櫻花蝦津菜餃（三件）$78 津菜餃上面有雙色魚子食落卜卜脆，裏面係蝦肉同埋津菜，食落好鮮香。 服務員非常勤快落單同埋加水 整體點心質素比上次體驗更好，全部都幾好食😋，擺盤又靚。 「STARLIGHT 2024 CNY & VALENTINES DAY EVENT」 金鷺湖隔離有個入口處有個新春特備項目。如果係食客可以免費入場，或現場購票：＄30/位。有一個好靚的鬱金香花圃、幸福櫻花樹、木馬、千秋等打卡擺設。 仲有新春開運白鷺船$160/船（4人） 30分鐘在湖上踏小船。每船可免最多4人人場收費。 活動日期：2024年2月3日至18日（中午12點至下午6點） 餐廳只接受網上訂座，可到金鷺湖Le Vow facebook用chope link訂座。 前往小白鷺餐廳： 港鐵：可乘火車到東鐵線大埔墟站，然後步行至南運路轉乘 LAKE HOUSE 免費穿梭巴士​ 的士：可到大埔墟站乘綠色的士，車費約35元，車程約5分鐘 泊車：Lake House 提供約60個車位停泊，於餐廳消費滿$300可免費泊車 2小時** #祝大家生日快樂#UCreator