🌟餐廳：啖啖燕窩

🌟餐廳：啖啖燕窩 📍地址：新蒲崗彩虹道226-228號永顯工業大廈地下C3號舖 💰價位：$51-100 📱電話：93369407 (WhatsApp) 啖啖燕窩喺新蒲崗開咗分店啦🎉趁今日去Mikiki行街，返屋企前買埋外賣甜品先😆😆啖啖燕窩既甜品每日鮮製又多選擇，除咗著名燕窩同養顏燉品，早前仲出埋滋補燉湯同埋惹味小食😋加上新分店堂食空間更大，坐得更舒適🥰以後黎新蒲崗又多個甜品選擇啦🤟🏻🤟🏻 ——————————————————— 🔹 芝士奶蓋燉蛋 芝士奶蓋香醇濃厚，口感綿密帶芝士鹹香，食落順喉又夠滑，仲份量十足添啊！底層有綿滑燉蛋，估唔到同芝士奶蓋咁夾，啖啖嫩滑細膩，入口即化～ ——————————————————— 🔹 冰糖紅棗杞子燉雪燕 滋補系列我就揀咗呢款冰糖紅棗杞子燉雪燕比媽媽，紅棗、杞子好香甜，燉到好腍，配滋補雪燕，口感爽滑煙韌！ ——————————————————— 🔹 特濃3.6鮮奶凍 特別用上特濃3.6鮮奶，奶味香濃夠哂滑溜，質地如豆腐般柔軟，細滑有彈性，細細杯，最岩下午茶食返個～ ——————————————————— 🔹 蒜辣雞翼尖 鍾意食蒜辣既朋友一定唔可以錯過呢款蒜辣雞翼尖！落足料，辣勁十足，雞翼尖份量又多，惹味得黎好過癮！ ——————————————————— 😋味道：4/5 🏢環境：4/5 💁🏻‍♀️服務：4/5 💵價錢：4/5 🤟🏻性價比：4/5 ———————————————————