Apple iCloud+ 超平價訂閱方法

用開 iPhone 一直都想買埋 iCloud+，但最平的 50GB 又唔夠用，上 200GB、2TB 又貴，最近發現原來 Apple Family Share 加「跨區」去土耳奇訂購，就可平一半以上。當然，唔會用自己個主 Apple ID 做啦，我就用電腦開左個新 Apple ID，開時只要選地區做「土耳奇」就得，唔洗用 VPN，仲可用返香港個電話號碼作認証。 不過，土耳奇 Apple ID 要用返土耳奇當地的信用卡先可付款，但唔緊要，可去上平台如 Oyunfor 買 Apple Gift 卡去增值。然後，就可用帳號內的儲值去購買 iCloud+ 同 share 比 Apple Family 用到得。我自己就「跨區」去土耳奇買左 200GB，只需大約 HK$10，香港要 HK$23，可分比 Apple Family 內其 6 個人使用，即每人只需 HK$1.68。如果你選 2TB，每月都只需 HK$33，每人只需約 HK$5.5。