主打四川及陝西等地既民間小食 - 鍋盔😍

🌟餐廳:盔匠 📍地址:沙田石門安群街3號京瑞廣場1期地下G06A號舖 💰價位:$50 ⏰營業時間:星期一至日 11:30 - 21:30 難得今個weekend輕輕鬆鬆,一於就去附近嘅石門逛一逛先~最近就開左間特色嘅小店「盔匠 」,主打四川及陝西等地既民間小食 - 鍋盔,店外人流不絕,超多街坊幫襯! ——————————————————— 🔹 梅乾菜鍋盔 全人手製作麵團,加入惹味甜梅菜壓平後,放入熱辣辣既大烤爐烤制,幾分鐘就出爐,熱辣辣香噴噴~鍋盔入口香脆,內層嘅梅菜份量豐富,咬落層次感十足,趁熱食一流!! 🔹 開心牛油果乳酪奶昔 呢度嘅自家製開心牛油果乳酪奶昔亦係招牌之一!採用原個牛油果調制,誠意十足,乳酪奶昔口感滑順,奶味及牛油果味相當濃郁,飲落好滿足,而且仲加入開心果仁,飲落帶點粒粒香脆,層次感一流,必試! 🔹手工厚切乳酪雪糕 呢度厚切乳酪雪糕,令人驚喜!口味選擇眾多,有齊藍莓、杏仁冧酒、百香芒果、玫瑰火龍果、水蜜桃、朱古力x可可、士多啤梨、紅絨芝士等等,仲有一款啱你心水~乳酪雪糕大大件,入口酸酸甜甜又夠冰凍,乳酪味亦好突出,我就最鍾意士多啤梨味,加入大大粒士多啤梨果肉,令口感更豐富~ ——————————————————— 😋味道:4/5 🏢環境:4/5 💁🏻‍♀️服務:4/5 💵價錢:4/5 🤟🏻性價比:4/5 ——————————————————— 👅整體小總結 小店主打最近大熱既傳統鍋盔,每款由師傳即叫即製,徒手放入熱騰騰嘅烤爐,功架十足,鍋盔出爐熱辣辣,香脆又好味,深受附近街坊歡迎! 除咗主打嘅鍋盔,招牌嘅牛油果手搖飲品及厚切乳酪雪糕亦充滿特色,無論男女老幼,總有一款啱你心水,值得一試~

地址
京瑞廣場1期
香港沙田安群街3號
評分
4/5
Good
Good
下一篇載入中