旺角精緻意粉甜品店🍮 同好姐妹行旺角行到攰攰地，喺附近揾下有咩新嘢食，行到T.O.P.商場都原來好多選擇，當中地下呢間Soffee就吸引倒我地！menu主打意式Fusion菜，而且勁多精緻嘅甜品太吸引！少女心裝潢坐得舒服！ 🍛🦐 黑松露虎蝦肉大蘑菇燴飯 $138 上枱時比個飯嘅驚艷嚇倒！遠好似用石頭裝住咁，飯上面有幾隻虎蝦；蝦肉爽口彈牙，燴飯嘅黑松露香氣撲鼻！飯粒分明，每一啖飯都滿滿芝士咁，配菜仲有蘑菇🍄洋蔥🧅等，令口感更豐富！ 🦑小食拼盤 $138 陣容頂盛嘅小食拼盤，即叫即炸，要等大約20分鐘，有魷魚鬚、炸辣雞柳、炸雞翼🍗雞柳帶點微辣！魷魚鬚帶點煙韌！三款都炸到酥脆可口，唔會油膩夠乾身，食落卜卜脆相當香口惹味！ 🥤飲品點左手打檸檬冰茶 $34，唔會太甜感覺可解解膩！ Soffee (旺角) 地址📍 ：旺角彌敦道700號T.O.P. This is Our Place地下G06, G10號舖