食沙爹牛麵 超Easy自煮 唔駛去茶記

最近都有見到沙嗲牛麵排行榜~ 搞到我心思思都想食~ 但餐廳嗌沙嗲牛都要成幾十蚊,又未必間間好食,好多時啲牛一陣鬆肉粉味~ 若要好食嘅又通常要去到鬼死咁遠~ 咁啱我記得曾經喺某某出名沙嗲牛麵嘅茶餐廳𥄫到佢哋用一樽叫韓江橋嘅沙茶醬~ 於是就激起咗我挑戰整碗沙嗲牛麵嘅心~ 而咁啱喺TV Mall度有發現賣韓江橋沙茶醬,於是就買樽嚟試吓~ 食譜就問咗google大神~ 過程其實好簡單~ 牛肉買份封門牛柳,超級腍,洗乾淨切片~ 加一茶匙糖､一湯羹水､一茶匙粟粉､兩茶匙生抽,醃一醃啲牛肉~ 切碎一至兩粒蒜頭,落鑊爆香,再落牛肉中火炒,加兩湯羹沙茶醬,少少水,煮熟就搞掂~ 完全零難度! 淥埋個出前一丁,淥一淥幾條蔥,上碗加返啲沙嗲牛,完成!食碗麵🍜😋 超Easy~ 咁簡單都係半粒鐘左右,就已經餵飽一家四口🤩 仲要好食過茶記一倍👏🏻👏🏻👏🏻 . . . #COOKwithUCreator#速煮系列#廚娘系列#中式食譜#沙嗲牛麵#煮出茶記系列#煮出香港美食系列#超Easy自煮