店如其名 好×正

行完大館、再响都爹利街4盞煤氣燈及藝蕙會嘅歷史建築打卡完畢後📸，直接就行去隔離食fusion 菜好出名嘅餐廳酒吧食晚餐，我哋當然一早book咗位喇😎 餐廳裝修非常有玩味，好有舊式香港情懷， 有霓虹燈、吊扇以及通花鐵閘；另外，餐廳除咗有特色fusion 菜之外仲有多款本地及外國手工啤，同時亦提供好特別嘅cocktail 🥢北海道刺身帶子薄切配蟲草花金蒜欖油辣椒龍口粉絲沙律，銀蒜米醋汁 $178 帶子鮮甜，而且份量都好多，舖滿碟底；爽口粉絲配彈韌口感嘅蟲草花估唔到都好夾，醬汁食落好有泰色風味，辣得過癮，同時又酸酸地幾醒胃😋 🥢香草牛油煎大烤菇配法式薯蓉，大火炒羽衣甘藍及中國芫莤炒老蛋茄茸汁 $168 大啡菇烤得嫩滑多汁，菇味香濃，並以幼滑薯蓉墊底，好夾；同時配上芫莤炒老蛋，平時一般都係炒滑蛋，原來炒老蛋都好好味，有質感有蛋香，沾上鮮甜嘅茄茸汁更有風味 👍 🥢24小時慢煮伊比利亞叉燒配日本溫泉蛋，紅洋蔥漬，香噴噴香蔥豬油撈飯$198 义燒嫩腍甜香，六舊大大舊厚切，配菜種類非常豐富有芽菜、雜菇、茄子、珍珠荀及紅洋蔥漬，最緊要有畫龍點睛嘅溫泉蛋，流心度剛好，蛋香味濃，配合口感軟綿嘅豬油撈飯，幸福滿溢 🥢中國白腐乳，法國白芝士焦糖燉蛋配煉奶西班牙鬆脆包，無花果醬，綜合野莓$148 燉蛋超creamy，甜美濃厚，帶有淡淡嘅腐乳味，配合面層焦糖，完美配搭，燉蛋得到無花果醬及野莓嘅加持，使得唔膩之餘多咗份清新感；燉蛋塗上脆包，甜香又脆口，另一番滋味😋 🍺獅子山下(450ml $85) 聞落花香味濃，飲落帶有果香，口感滑溜 🍺香茅(450ml $85) 聞落有清香香茅味，比較苦澀粗獷，有個性 除咗有檯頭嘅餐紙menu 之外，記得掃埋個QR Code，因為仲有好多dinner special供應🤩 服務態度好💯，食物質素正😋，餐廳環境掂📸 📍何蘭正 中環雲咸街29號LKF29 2樓 #Fusion 菜 #中環美食 #何蘭正 #打卡美食 (此文章由U Blog 同步發佈至社群)