[{"@context":"https://schema.org","@type":"Article","headline":"得啖笑 (14) - 低頭族不確定性原理","image":["https://cloudapp01.ulifestyle.com.hk/post/600-1-1-CR-1-RB-1/post_1780462583325.jpeg"],"datePublished":"2026-06-06 01:00:35+08:00","url":"/community/detailpost/bb81ccf8-1350-446c-b407-a48038de8e84/吹水/得啖笑-14-低/dinodaddy/858167","author":{"@type":"Person","name":"dinodaddy","url":"https://www.ulifestyle.com.hk/community/user_profile/858167/dinodaddy"},"text":"話說前幾日，我同我個全職波士（即係我老婆）去行街。因為天氣太熱，我們去逛商場嘆冷氣。\n\n某一刻，我哋喺商場搭緊扶手電梯。前面有個後生仔，二十歲左右啦，同阿女差唔多年紀。隻手好似用 AA 膠黐住部手機咁，個頭差唔多喺聞到個手機嘅距離。\n\n我心諗，雖然室內冇車啫，呢個後生仔都唔睇路嘅! \n\n好喇，扶手電梯差唔多到頂。我一抬頭，哎吔，前面個出口畀人整咗個臨時裝修嘅木板圍欄，得番條好窄嘅路，行多三四步就要向右行。\n\n我拉埋老婆打個斜，從旁繞道而行。我望返個後生仔，佢依然沉浸喺佢部手機嘅花花世界入面。我心諗：「喂! 前面係一塊板喎!」\n\n「呼——嘭！」\n\n嗰一聲，清脆利落。個後生仔個額頭，同塊裝修木板嚟咗個 100% 密不可分嘅親密接觸。塊木板仲要好似定音鼓咁「咚」咗一聲。\n\n個後生仔當場醒晒，摸住個頭，一臉茫然。我喺隔離，好努力咁控制住自己面部嘅肌肉。因為人哋行衰運，你笑，係好冇品嘅。\n\n我返到屋企，覺得個後生仔撞板呢件事，越諗越 meaningful（充滿玄機），令我諗起D物理理論。\n\n(以下聽得明嘅應該都有大學程度!😂 ) 大家聽過「海森堡不確定性原理」（Heisenberg's Uncertainty Principle）未？就係話：「你唔可以同時準確測量一粒粒子嘅『位置』同埋佢嘅『速度』。」當你將佢嘅位置鎖定得越準，佢嘅速度就變得越模糊；反之亦然。\n\n即係咩？就好似用相機放在腳架上，影一架高速跑車，如果你開快快門，影到架跑車嘅線條清清楚楚（鎖定位置），幅相定格咗，但你就完全睇唔到佢有幾高速；相反，如果你想影出那種風馳電掣嘅速度感，架車幅相就注定會有鬼影、變得很模糊。\n\n上面呢條來自量子力學嘅理論，今日竟然可以成為人類通用的「低頭族不確定性原理」。\n\n點應用？\n\n當個後生仔將全部精神鎖定喺個銀幕度，WhatsApp 覆得極準確嘅時候，佢對自己身處嘅現實空間嘅不確定性就會無限放大。反過來，我很清晰現實世界，但就唔會知道網上幾時有快閃優惠，IG有咩新嘢!\n\n我將呢番偉論同我老婆講，我老婆好冷淡咁望咗我一眼，話：「你拋咩書包呀！人哋後生仔撞板，最多紅腫幾日，當攞個經驗。你呢？你試下撞落去？你一撞，分分鐘骨質疏鬆搞到頸椎移位，再唔係就跌親個盤骨，到時點樣去英國睇個女呀?！」\n\n我當然唔想自己撞版，亦希望個後生仔之後用手機嘅時候，要記住有時間就抬起頭望下呢個世界，唔好等到塊木板用物理方式幫你「開竅」；至於我哋呢班老友記，既然天意令我哋有得抬頭，就好好繼續享受眼前嘅風光吧!\n\r\n #生活 #低頭族 #吹水 #熱話 #退休生活 #得啖笑 #香港日常 #不確定性原理 #量子力學 #慢活修行\r\n\r\n(此文章由U Blog 同步發佈至社群)"},{"@context":"https://schema.org","@type":"DiscussionForumPosting","headline":"得啖笑 (14) - 低頭族不確定性原理","image":["https://cloudapp01.ulifestyle.com.hk/post/600-1-1-CR-1-RB-1/post_1780462583325.jpeg"],"datePublished":"2026-06-06 01:00:35+08:00","url":"/community/detailpost/bb81ccf8-1350-446c-b407-a48038de8e84/吹水/得啖笑-14-低/dinodaddy/858167","author":{"@type":"Person","name":"dinodaddy","url":"https://www.ulifestyle.com.hk/community/user_profile/858167/dinodaddy"},"text":"話說前幾日，我同我個全職波士（即係我老婆）去行街。因為天氣太熱，我們去逛商場嘆冷氣。\n\n某一刻，我哋喺商場搭緊扶手電梯。前面有個後生仔，二十歲左右啦，同阿女差唔多年紀。隻手好似用 AA 膠黐住部手機咁，個頭差唔多喺聞到個手機嘅距離。\n\n我心諗，雖然室內冇車啫，呢個後生仔都唔睇路嘅! \n\n好喇，扶手電梯差唔多到頂。我一抬頭，哎吔，前面個出口畀人整咗個臨時裝修嘅木板圍欄，得番條好窄嘅路，行多三四步就要向右行。\n\n我拉埋老婆打個斜，從旁繞道而行。我望返個後生仔，佢依然沉浸喺佢部手機嘅花花世界入面。我心諗：「喂! 前面係一塊板喎!」\n\n「呼——嘭！」\n\n嗰一聲，清脆利落。個後生仔個額頭，同塊裝修木板嚟咗個 100% 密不可分嘅親密接觸。塊木板仲要好似定音鼓咁「咚」咗一聲。\n\n個後生仔當場醒晒，摸住個頭，一臉茫然。我喺隔離，好努力咁控制住自己面部嘅肌肉。因為人哋行衰運，你笑，係好冇品嘅。\n\n我返到屋企，覺得個後生仔撞板呢件事，越諗越 meaningful（充滿玄機），令我諗起D物理理論。\n\n(以下聽得明嘅應該都有大學程度!😂 ) 大家聽過「海森堡不確定性原理」（Heisenberg's Uncertainty Principle）未？就係話：「你唔可以同時準確測量一粒粒子嘅『位置』同埋佢嘅『速度』。」當你將佢嘅位置鎖定得越準，佢嘅速度就變得越模糊；反之亦然。\n\n即係咩？就好似用相機放在腳架上，影一架高速跑車，如果你開快快門，影到架跑車嘅線條清清楚楚（鎖定位置），幅相定格咗，但你就完全睇唔到佢有幾高速；相反，如果你想影出那種風馳電掣嘅速度感，架車幅相就注定會有鬼影、變得很模糊。\n\n上面呢條來自量子力學嘅理論，今日竟然可以成為人類通用的「低頭族不確定性原理」。\n\n點應用？\n\n當個後生仔將全部精神鎖定喺個銀幕度，WhatsApp 覆得極準確嘅時候，佢對自己身處嘅現實空間嘅不確定性就會無限放大。反過來，我很清晰現實世界，但就唔會知道網上幾時有快閃優惠，IG有咩新嘢!\n\n我將呢番偉論同我老婆講，我老婆好冷淡咁望咗我一眼，話：「你拋咩書包呀！人哋後生仔撞板，最多紅腫幾日，當攞個經驗。你呢？你試下撞落去？你一撞，分分鐘骨質疏鬆搞到頸椎移位，再唔係就跌親個盤骨，到時點樣去英國睇個女呀?！」\n\n我當然唔想自己撞版，亦希望個後生仔之後用手機嘅時候，要記住有時間就抬起頭望下呢個世界，唔好等到塊木板用物理方式幫你「開竅」；至於我哋呢班老友記，既然天意令我哋有得抬頭，就好好繼續享受眼前嘅風光吧!\n\r\n #生活 #低頭族 #吹水 #熱話 #退休生活 #得啖笑 #香港日常 #不確定性原理 #量子力學 #慢活修行\r\n\r\n(此文章由U Blog 同步發佈至社群)"},{"@context":"https://schema.org","@type":"ImageObject","contentUrl":"https://cloudapp01.ulifestyle.com.hk/post/600-1-1-CR-1-RB-1/post_1780462583325.jpeg","creator":{"@type":"Person","name":"dinodaddy"}}]