午市4小時無限任飲任食（星期六、日及公衆假期）$228 旺角分店佔左全層，環境乾淨企理，自取區整齊衛生。星期日午市時段全場滿座，想嚟嘅話記住要book枱啦🤣氣氛好熱鬧，同朋友聚會就最適合不過🙌🏻 ❥湯底 有11款選擇，香濃芝士雞🧀黑松露雜菌🍄白玉苦瓜鳳梨豬骨、沙嗲鍋、豬骨鍋、椰子雞、胡椒豬肚、冬瓜瑤柱豬骨、花膠竹絲雞、蕃茄豬骨。清清地揀左個冬瓜瑤柱豬骨。 湯底超足料😍味道清甜 ❥小食 小編最愛藤椒魚皮，口感爽口彈牙，辣辣地幾惹味🌶️一條接一條好食到停唔到口，仲有鹽酥雞、爆漿糍粑，食落煙韌，黑糖餡料豐富 ❥肉類 SRF美國極黑和牛片色澤紅潤，而且有雪花🐮牛板腱相對冇咁肥，但牛味同樣香濃。另外有美國豬梅肉片、雞肉片、花雕酒雞翼 ❥ 自助吧 種類選擇非常多，除左常見嘅丸類、麵類🇹🇼仲有台灣特色食物：王子麵、蛋餃、燕餃、糬來寶等，用上魚漿和糯米粉，口感煙韌彈牙 ❥ 蔬菜 蔬菜種類亦都好多🥬等別少少嘅有有羽衣甘藍、蟲草花、紫蘿蔔、海帶結、淮山等 ❥ 炸物 炸物櫃有大量魚皮🐟午餐肉、響鈴、油炸鬼、生根和炸芋頭，炸物不停refill，全部都啱啱炸好，香脆可口 ❥ 飲品 多款汽水🥤泡茶🫖台式珍珠奶茶任君選擇🍺鍾意飲酒嘅朋友有啤酒，清酒，梅酒 ❥ 甜品 緊係要食埋甜品先夠圓滿🍭有Häagen-Dazs 雪糕🍦melona雪條，芒果布甸，木槺布甸、泡芙，鍾意食榴槤嘅朋友仲有榴槤大福🤣