打卡可愛萌爆既酷洛米限定主題拉麵🍜

話說我朋友個女好鐘意Sanrio 其中一個角式Kuromi，果日經過銅鑼灣見到富山麵家和佢合作，由於kuromi係萬勝節登場，成間餐廳都滿佈住帶著黑色惡魔頭巾嘅Kuromi，好有少女心打卡超靚，連食物造型都係kuromi來嫁！我地叫左用kuromi 樣子既特製黑咖喱撈麵，淨係睇過造型都100分啦！完全唔捨得食呀🤣咖喱味香甜濃郁，撈埋用左魚片製作既kuromi帽子和樣子，拉麵爽滑彈牙，真係睇得又食得！另外果款拉麵係富山拉麵既王牌特製牛奶拉麵，超濃嘅奶香味配住牛油粟米和豚骨湯，好惹味好正！ 可惜我哋嗰日太夜來，佢最出名嘅Kuromi紫薯味蒸包已經賣晒，咁唯有揀佢另外嗰兩款Kuromi明太子章魚燒和富山雞翼，脆卜卜嘅章魚燒淋上木魚碎同明太子醬，上面仲有Kuromi嘅曲奇，真係萌爆❤️，飲品我地揀左Kuromi 特製蝶豆花啫喱梳打和特製荔枝啫喱梳打，兩杯味道都好相似，係帶點酸甜味嘅碳酸飲品，上面鋪滿住忌廉同Kuromi棉花糖，香甜棉滑又解膩！當日仲見到好多媽媽帶住小朋友一齊來影相打卡，鐘意kuromi既朋友要快d來，因為活動去到今個月底！