創意冬日煲仔菜

辣辣哈哈哈節瓜粉絲煲 ———————————————— 烹飪難易度（1為較易 - 5為較難）：1 烹飪時間：20分鐘 準備時間：30分鐘 材料：節瓜1.5條，冬菇3隻，蝦乾8隻，粉絲1紮，砂糖、紹酒、雞粉、李錦記大辣蝦米辣椒油各1茶匙，水1飯碗，老抽0.5茶匙，薑片3-5塊 製作步驟：（1）冬菇蝦乾絲分別浸至軟身，隔去水份，冬菇去蒂，切片。（2）節瓜去皮去囊，切條。（3）瓦煲放於爐火上中大火燒熱，落0.5湯匙油，爆香薑片，落蝦乾及冬菇，灒酒，落節瓜，落水，煮滾，落雞粉 、老抽及糖。（4）𢫏蓋，轉中小火煮5-8分鐘，至節瓜軟身。（5）落粉絲，至粉絲吸收7-8成湯汁，淋上辣油輕輕撈一下。Sever. 烹飪貼士：（1）如果你有啲手腳冰冷嘅屋企人，你整啲有少少辣味嘅嘢佢食，好似我咁用埋煲仔上，佢食完身心都會覺得暖啲。😂唔用瓦煲煮用鑊煮用碟上囉一樣靚，我只想洗碗洗少件嘢咋。（2）當然有其他牌子嘅辣油都可以落啦，我呢樽係之前用U APP啲積分換嘅，味道都唔錯，今次用佢因為煲嘢咁就又有蝦乾又有蝦米，簡單而豐富。🤤