🐶🐱🐰友善茶座泰菜

今日約咗住元朗個fd食飯 但發覺原來寵物友善餐廳選擇並唔多 不過好彩搵到呢間地點都幾方便😗 ❣️泰式炒金邊粉 $58 + 青檸梳打 $8 午餐價錢食到大大份金邊粉好抵 偏甜口味食落停唔到 三隻大蝦🦐俾麵底遮住 濕潤嘅麵條加埋芽菜配上花生粒 鑊氣同香脆爽朗一同享受 ❣️香葉肉碎蛋飯 $58 + 椰汁冰 $8 呢個真係夠晒香辣 除咗肉碎 仲有豆角 香葉 辣椒粒🤤面頭仲有隻荷包蛋 吉穿撈埋肉碎一齊食 香辣惹味好頂癮 食耐咗好似越嚟越辣 嗌杯椰汁冰解解辣 估唔到都幾濃郁 唔知係因為少冰定係濃縮左嘅關係 飲落杰撻撻好creamy🥤 ❣️串燒拼盤(6串) $88 雞肉豬肉各3串 啱啱燒好熱辣辣嘅串燒淋上沙嗲醬 雞肉燒到雞油滲晒出嚟 至於豬肉依然彈牙 兩個人食一份啱晒😙 - 🫧尚泰太 元朗大陂頭徑2-12號華盛樓地下E號舖