[{"@context":"https://schema.org","@type":"Article","headline":"第一次嘅「親子出行」👶🏻🤰🏻生產紀錄✨","image":["https://cloudapp01.ulifestyle.com.hk/post/600-4-5-CR-1-RB-1/post_1787060138559.jpeg","https://cloudapp01.ulifestyle.com.hk/post/600-4-5-CR-1-RB-1/post_1787060139014.jpeg","https://cloudapp01.ulifestyle.com.hk/post/600-4-5-CR-1-RB-1/post_1787060139372.jpeg","https://cloudapp01.ulifestyle.com.hk/post/600-4-5-CR-1-RB-1/post_1787060139890.jpeg","https://cloudapp01.ulifestyle.com.hk/post/600-4-5-CR-1-RB-1/post_1787060140392.jpeg","https://cloudapp01.ulifestyle.com.hk/post/600-4-5-CR-1-RB-1/post_1787060140891.jpeg"],"datePublished":"2026-08-19 08:30:36+08:00","url":"/community/detailpost/b7825ea1-c1bb-4e21-a321-c05a8d82777a/吹水/第一次嘅親子出行生產/bellaaaa/1060938","author":{"@type":"Person","name":"bellaaaa","url":"https://www.ulifestyle.com.hk/community/user_profile/1060938/bellaaaa"},"text":"雖然醫院絕對唔係親子出行嘅好地方😂但都想用文字記錄低BB嘅Birth Story✨\n\n畢竟呢個係我哋一家三口第一次嘅｢親子出行｣🤭一趟冇景點､冇行程､冇美食,甚至張床仲硬到瞓唔到嘅旅程,卻係我哋人生中最期待､最難忘嘅一次出發｡\n\n睇到最尾仲有生產好物分享,準備生BB嘅媽媽記得睇落去呀🥰\n\n本身預約咗38週開刀生,但36+2產檢嗰陣,醫生見到我隻腳腫得好誇張,腫到望落去唔太正常､所以建議我抽血,話如果報告唔正常,就唔好再等,37週足月就要生｡結果血報告真係唔正常,原本仲慢慢倒數38週嘅我哋,一下子就變成｢BB就快要出世喇!｣🥹 雖然有啲擔心,但更多嘅係期待｡終於就快可以見到一直陪住我10個月嘅小寶貝喇🤍\n\n36+6夜晚入院待產,辦好手續之後,就返房沖涼準備瞓覺｡嗰晚嘅我一啲都唔緊張,只係好眼瞓但完全瞓唔到,因為醫院張床實在太硬喇🤣最後我坐咗喺床邊,一邊摸住個巨肚,一邊靜靜享受我同BB最後嘅合體時光｡\n\n嗰一刻嘅心情好難形容,一方面,我非常期待見到你;另一方面,我又突然好唔捨得陀住你嘅感覺｡呢10個月,你24小時跟住我,我去邊你就去邊;每一次胎動,我都會感受到你嘅存在｡原來當知道｢最後一次｣就快到,平時習以為常嘅胎動,都會突然變得特別珍貴,呢10個月嘅每一個胎動,都會成為我一生其中一個最美好嘅回憶🥹🤍\n\n一早起身,我係第一台手術,天都未光就入咗手術室｡入到去先喺手上｢種豆｣,然後吊鹽水同止嘔藥｡姑娘幫我將身體捲埋,好似一隻蝦咁🦐,麻醉醫生先打一支細針,再打一支大針｡兩支針都唔痛,反而係個肚太大,捲埋身體嗰下有啲辛苦｡\n\n打完麻醉後,好快感覺到一股暖流,心口以下嘅身體完全郁唔到,仲有種好似唞唔到氣嘅感覺,嗰刻其實有少少驚,好彩麻醉醫生一直安慰我,話係正常反應｡而老公亦喺呢個時候可以入嚟陪我,見到佢嗰一刻,即刻安心咗好多｡🤍\n\n成個過程就係感覺到拉扯,同埋好似有人搖緊我｡大概25分鐘後,醫生同我講:｢BB差唔多出嚟喇!｣麻醉師企喺我前面,超級用力咁撳咗我個肚3､4下｡嗰幾下真係好想嘔😂,個力度好似要將我成個人撳扁咁｡但撳完之後,我聽到咗世上最動聽嘅聲音——BB喊喇!👶🏻😭\n\n第一眼見到BB嗰下,我同老公都流咗兩滴眼淚｡呢種感動,我諗一世都唔會忘記｡成個孕期嘅不適､同剖腹產帶嚟嘅痛苦,喺呢一刻好似全部都忘記晒｡由驗孕棒見到嗰兩條線嗰一刻開始,我哋已經愛你;但真正見到你真人､第一次聽到你喊､第一次將你抱入懷中,先發現——原來我哋可以再愛你多好多好多｡ 🥹❤️呢種感覺,真係好神奇｡\n\n之後係爸爸剪臍帶､抱BB,護士再抱BB過嚟影第一張全家福,亦係我哋第一次skin to skin🥰我正式成為咗一個媽媽👩🏼懷胎10個月,終於喺呢一刻,真正將一直放喺肚入面嘅小生命抱入懷中｡原來幸福,真係可以有重量,🤍\n\n2025年嘅冬天嚟得好遲,BB出世嗰一日天氣卻特別凍,但你嘅到來,帶俾我地無限嘅溫暖🙆🏻‍♀️\n\nTo我哋嘅小寶貝: \n多謝你選擇咗我哋做你嘅爸爸媽媽\n多謝你平安健康咁嚟到我哋身邊\n希望你一輩子健康､平安､快樂\n眼裏有光,心中有愛,做一個善良嘅人❤️\n\n人生條路好長,將來一定會有晴天,亦可能會有落雨,但無論你行到邊､遇到咩事,爸爸媽媽永遠都會愛你,永遠都會企喺你身後,永遠都會係你最強大嘅後盾｡🤍\n\n介紹返今次嘅｢生仔地方｣🏥 今次入住仁安醫院,剖腹產套餐本身係5日4夜,但因為我第二朝係最早開刀,所以提早一晚入院,而呢一晚係送嘅,唔使另外收費｡\n\n今次住4人房,房間幾大,有兩個廁所,同層亦有產房同嬰兒房,普通房已經好夠住｡所有醫護人員都好溫柔,每次做程序之前都會先講清楚,等你有心理準備,亦會耐心教你照顧BB,同時好關心產婦情緒｡出院埋單總數$80,500,我覺得整體性價比幾高👍🏻\n\n私家醫院提供嘅用品都幾齊,但有幾樣我覺得一定要自己帶:\n1️⃣安睡褲——醫院提供嘅產後M巾我覺得唔舒服\n2️⃣摺疊盤仔——方便用薑水洗手洗面\n3️⃣彎頭沖洗瓶——醫院提供嘅直頭款冇咁好用\n4️⃣有飲管嘅水壺——瞓喺床度都飲到水,產後真係方便好多😂\n\n回頭望返,由36+2突然知道要提早生,到36+6入院,再到第二朝第一次見到你,短短幾日,卻成為咗我人生其中一段最深刻嘅記憶｡以前成日覺得｢生BB｣係好遙遠嘅人生階段,直到嗰一日,我真正將你抱入懷中,先知道——原來我哋一直期待嘅｢你｣,真係嚟咗｡👶🏻🤍\n\n呢一次冇景點､冇行程､冇酒店,甚至連張床都硬到瞓唔到嘅｢親子出行｣😂,卻偏偏成為咗我哋一家三口最值得珍藏嘅第一趟旅程｡\n第一次帶你出發,就係帶你嚟到呢個世界｡\nWelcome to our world, our little one. 🌎🤍\n\n#chill賞親子出行 #BirthStory #生仔日記 #剖腹產 #新手爸媽 #仁安醫院 #第一次親子出行 "},{"@context":"https://schema.org","@type":"DiscussionForumPosting","headline":"第一次嘅「親子出行」👶🏻🤰🏻生產紀錄✨","image":["https://cloudapp01.ulifestyle.com.hk/post/600-4-5-CR-1-RB-1/post_1787060138559.jpeg","https://cloudapp01.ulifestyle.com.hk/post/600-4-5-CR-1-RB-1/post_1787060139014.jpeg","https://cloudapp01.ulifestyle.com.hk/post/600-4-5-CR-1-RB-1/post_1787060139372.jpeg","https://cloudapp01.ulifestyle.com.hk/post/600-4-5-CR-1-RB-1/post_1787060139890.jpeg","https://cloudapp01.ulifestyle.com.hk/post/600-4-5-CR-1-RB-1/post_1787060140392.jpeg","https://cloudapp01.ulifestyle.com.hk/post/600-4-5-CR-1-RB-1/post_1787060140891.jpeg"],"datePublished":"2026-08-19 08:30:36+08:00","url":"/community/detailpost/b7825ea1-c1bb-4e21-a321-c05a8d82777a/吹水/第一次嘅親子出行生產/bellaaaa/1060938","author":{"@type":"Person","name":"bellaaaa","url":"https://www.ulifestyle.com.hk/community/user_profile/1060938/bellaaaa"},"text":"雖然醫院絕對唔係親子出行嘅好地方😂但都想用文字記錄低BB嘅Birth Story✨\n\n畢竟呢個係我哋一家三口第一次嘅｢親子出行｣🤭一趟冇景點､冇行程､冇美食,甚至張床仲硬到瞓唔到嘅旅程,卻係我哋人生中最期待､最難忘嘅一次出發｡\n\n睇到最尾仲有生產好物分享,準備生BB嘅媽媽記得睇落去呀🥰\n\n本身預約咗38週開刀生,但36+2產檢嗰陣,醫生見到我隻腳腫得好誇張,腫到望落去唔太正常､所以建議我抽血,話如果報告唔正常,就唔好再等,37週足月就要生｡結果血報告真係唔正常,原本仲慢慢倒數38週嘅我哋,一下子就變成｢BB就快要出世喇!｣🥹 雖然有啲擔心,但更多嘅係期待｡終於就快可以見到一直陪住我10個月嘅小寶貝喇🤍\n\n36+6夜晚入院待產,辦好手續之後,就返房沖涼準備瞓覺｡嗰晚嘅我一啲都唔緊張,只係好眼瞓但完全瞓唔到,因為醫院張床實在太硬喇🤣最後我坐咗喺床邊,一邊摸住個巨肚,一邊靜靜享受我同BB最後嘅合體時光｡\n\n嗰一刻嘅心情好難形容,一方面,我非常期待見到你;另一方面,我又突然好唔捨得陀住你嘅感覺｡呢10個月,你24小時跟住我,我去邊你就去邊;每一次胎動,我都會感受到你嘅存在｡原來當知道｢最後一次｣就快到,平時習以為常嘅胎動,都會突然變得特別珍貴,呢10個月嘅每一個胎動,都會成為我一生其中一個最美好嘅回憶🥹🤍\n\n一早起身,我係第一台手術,天都未光就入咗手術室｡入到去先喺手上｢種豆｣,然後吊鹽水同止嘔藥｡姑娘幫我將身體捲埋,好似一隻蝦咁🦐,麻醉醫生先打一支細針,再打一支大針｡兩支針都唔痛,反而係個肚太大,捲埋身體嗰下有啲辛苦｡\n\n打完麻醉後,好快感覺到一股暖流,心口以下嘅身體完全郁唔到,仲有種好似唞唔到氣嘅感覺,嗰刻其實有少少驚,好彩麻醉醫生一直安慰我,話係正常反應｡而老公亦喺呢個時候可以入嚟陪我,見到佢嗰一刻,即刻安心咗好多｡🤍\n\n成個過程就係感覺到拉扯,同埋好似有人搖緊我｡大概25分鐘後,醫生同我講:｢BB差唔多出嚟喇!｣麻醉師企喺我前面,超級用力咁撳咗我個肚3､4下｡嗰幾下真係好想嘔😂,個力度好似要將我成個人撳扁咁｡但撳完之後,我聽到咗世上最動聽嘅聲音——BB喊喇!👶🏻😭\n\n第一眼見到BB嗰下,我同老公都流咗兩滴眼淚｡呢種感動,我諗一世都唔會忘記｡成個孕期嘅不適､同剖腹產帶嚟嘅痛苦,喺呢一刻好似全部都忘記晒｡由驗孕棒見到嗰兩條線嗰一刻開始,我哋已經愛你;但真正見到你真人､第一次聽到你喊､第一次將你抱入懷中,先發現——原來我哋可以再愛你多好多好多｡ 🥹❤️呢種感覺,真係好神奇｡\n\n之後係爸爸剪臍帶､抱BB,護士再抱BB過嚟影第一張全家福,亦係我哋第一次skin to skin🥰我正式成為咗一個媽媽👩🏼懷胎10個月,終於喺呢一刻,真正將一直放喺肚入面嘅小生命抱入懷中｡原來幸福,真係可以有重量,🤍\n\n2025年嘅冬天嚟得好遲,BB出世嗰一日天氣卻特別凍,但你嘅到來,帶俾我地無限嘅溫暖🙆🏻‍♀️\n\nTo我哋嘅小寶貝: \n多謝你選擇咗我哋做你嘅爸爸媽媽\n多謝你平安健康咁嚟到我哋身邊\n希望你一輩子健康､平安､快樂\n眼裏有光,心中有愛,做一個善良嘅人❤️\n\n人生條路好長,將來一定會有晴天,亦可能會有落雨,但無論你行到邊､遇到咩事,爸爸媽媽永遠都會愛你,永遠都會企喺你身後,永遠都會係你最強大嘅後盾｡🤍\n\n介紹返今次嘅｢生仔地方｣🏥 今次入住仁安醫院,剖腹產套餐本身係5日4夜,但因為我第二朝係最早開刀,所以提早一晚入院,而呢一晚係送嘅,唔使另外收費｡\n\n今次住4人房,房間幾大,有兩個廁所,同層亦有產房同嬰兒房,普通房已經好夠住｡所有醫護人員都好溫柔,每次做程序之前都會先講清楚,等你有心理準備,亦會耐心教你照顧BB,同時好關心產婦情緒｡出院埋單總數$80,500,我覺得整體性價比幾高👍🏻\n\n私家醫院提供嘅用品都幾齊,但有幾樣我覺得一定要自己帶:\n1️⃣安睡褲——醫院提供嘅產後M巾我覺得唔舒服\n2️⃣摺疊盤仔——方便用薑水洗手洗面\n3️⃣彎頭沖洗瓶——醫院提供嘅直頭款冇咁好用\n4️⃣有飲管嘅水壺——瞓喺床度都飲到水,產後真係方便好多😂\n\n回頭望返,由36+2突然知道要提早生,到36+6入院,再到第二朝第一次見到你,短短幾日,卻成為咗我人生其中一段最深刻嘅記憶｡以前成日覺得｢生BB｣係好遙遠嘅人生階段,直到嗰一日,我真正將你抱入懷中,先知道——原來我哋一直期待嘅｢你｣,真係嚟咗｡👶🏻🤍\n\n呢一次冇景點､冇行程､冇酒店,甚至連張床都硬到瞓唔到嘅｢親子出行｣😂,卻偏偏成為咗我哋一家三口最值得珍藏嘅第一趟旅程｡\n第一次帶你出發,就係帶你嚟到呢個世界｡\nWelcome to our world, our little one. 🌎🤍\n\n#chill賞親子出行 #BirthStory #生仔日記 #剖腹產 #新手爸媽 #仁安醫院 #第一次親子出行 "},{"@context":"https://schema.org","@type":"ImageObject","contentUrl":"https://cloudapp01.ulifestyle.com.hk/post/600-4-5-CR-1-RB-1/post_1787060138559.jpeg","creator":{"@type":"Person","name":"bellaaaa"}}]