天心 壽喜燒火鍋放題

之前嚟天心都係食拉麵 今次終於食佢哋嘅火鍋啦🥘聽講佢哋嘅蠔鍋好鮮甜好正 不過朋友對蠔嘅興趣不大 所以都係揀大家都啱嘅肉肉😆 而家新推出咗火鍋放題餐 揀好咗心儀主打嘅肉同湯底之後 仲有唔同嘅海鮮/肉類/小食等等🥢 ꕥ 黑毛和牛配壽喜燒湯底 黑毛和牛有牛胸腹同肩胛位 兩款肉質都好滑好軟嫩🐂同壽喜燒醎醎甜甜嘅味道好夾 而且湯底越煮越濃郁 ꕥ 嚴選美國牛肉配濃味特色豬骨湯 而美國牛其實質素都唔差 尤其是牛小排 質地好之餘 牛味亦好突出🤤平時食火鍋好少食牛舌 原來都幾正 好爽口 同埋我哋好鐘意日本豚肉 薄切淥一陣就食得 稔得嚟帶有彈性🐷 呢度大部份配料都可以追加任食 例如頭先提過嘅美國牛同日本豚肉 海鮮就有蝦/帆立貝/鮑魚/蜆等等 唔少得蔬菜同其他熟食🍜仲有唔同嘅飲品都係仼飲 呢餐絕對食到好飽好滿足