2024/03/13

日本中古入門知識👜✨中古即復古?日本買特別安心?🤔附分級表‼️

成日聽到人去日本買中古~到底中古係咩?日本買名牌真係特別好?用5條問題解答你!👜😆 Q1.咩係中古? 「中古」呢個字喺日本係「二手」嘅意思,但唔係任何二手袋都係中古🤓中古必須係奢侈品,係名牌~例如Chanel、Gucci、Dior、Hermès 等等先稱得上係中古~👛💍 Q2.中古嘅由來? 60-90年代日本經濟繁榮嘅時候,國民開始購買各種名牌💴😎連高中生都會帶LV背包出街,加上明治維新時期(約1860~1880年)開始引入西方審美,加強咗日本對西方奢侈品嘅追求同崇拜😍可惜去到90年代尾,日本經濟泡沫破裂之後,唔少女性將手上閒置奢侈品賣出以幫補家計🥹平民間大量流出嘅名牌袋就成為咗中古市場萌芽嘅起點~👜 Q3.中古=vintage? 唔少人都有呢個誤解!但事實上Vintage比中古要求更高🫵🏼Vintage一般都係有20年以上嘅袋款,而且係有時代特色嘅經典款,所以會係好高收藏價值嘅稀有品!中古就比較寬鬆,係二手名牌就可以了~😚 Q4.日本買中古有保障? 日本作為中古市場發源地,對於售賣中古商品有一定規例同保障👀例如《古物營業法》規定售賣中古品嘅營業者必須喺當地公安署申請許可~🉑 而且交易需要經過買主本人確認並留底記錄3年,《不正當競爭防止法》亦列明,販賣複製品要面臨最高2000萬日元罰款、10年以下有期徒刑,甚或兩者並罰💀係嚴重刑事罪行!!😡 除此之外,業內亦有組織抽查商品,所以喺日本買中古的確係會安心得多😼 Q5.中古分級? 日本有為唔同中古品做分級,方便買家分辨購買~ 【N】全新品,而且係比較新款(~100%) 【SS】全新品(~100%) 【S】近乎新品(~99%) 【SA】沒有任何使用痕跡新品(~98%) 【A】有使用痕跡但邊角無磨損嘅美品(~95%) 【AB】有較明顯痕跡(~90%) 【B】使用次數較多,有明顯磨損痕跡(~85%) 【C】瑕疵較多,不建議購買(~80%) 【D】外觀狀態極差,不建議購買 (***只供參考,唔同店舖有機會不一) 想睇更多日本資訊或者旅遊攻略,記住follow我🤓✨ #日本中古#日本二手名牌#中古#日本名牌#日本必買#攻略#日本旅遊攻略#日本旅行攻略#東京必買#大阪必買#二手名牌#名牌

評分
5/5
👍
good
下一篇載入中