[{"@context":"https://schema.org","@type":"Article","headline":"單戀","image":["https://cloudapp01.ulifestyle.com.hk/post/600-4-5-CR-1-RB-1/post_1772133311493.jpeg"],"datePublished":"2026-02-27 16:06:42+08:00","url":"/community/detailpost/ade5e57b-1085-458d-be8d-a0663c6e6088/吹水/單戀/rickyhon/3526","author":{"@type":"Person","name":"rickyhon","url":"https://www.ulifestyle.com.hk/community/user_profile/3526/rickyhon"},"text":"新年嘅時候睇咗一本小說，《單戀》，一如大部份嘅東野圭吾小說，內容係有關一宗兇殺案，但我覺得呢個故事比較特別，今次個兇殺案都係其中一個內容啫，特別在佢主線係講性別認同障礙。\n\n其實細個嘅時候我都以為自己有呢個傾向，我都好憎同怨恨自己係女性，特別係青春期嘅時候身體嘅變化，淨係嚟M已足夠令我討厭自己，我時常作TB打扮，如果人哋以為我真係男仔我會沾沾自喜，我去到差不多成年先至開始妥協。因為我係嗰啲覺得吓要打針食藥甚至做手術至變到性，我會問有冇啲無痛方法嘅人嚟，即係我想變性嘅心唔係太強烈，唔會堅持。\n\n故事主人翁，美月，比較複雜，佢自小已經發覺自己內心係男性不過生理係女性。佢大學時有同男性拍拖亦有發生性關係，但冇改變內心想法。心裡面一直單戀一個人，係一個女性，理沙子。但冇明確表白過。好奇怪，美月走咗去同理沙子個男友上床。兩者明白呢次係有性冇愛嘅體驗。畢業之後，美月喺冇辦法之下，按父母嘅意願嫁咗人，仲生咗細路。一直冇開心過。幾年之後忍唔住離家出走，埋名換姓用男性身份生活，靠打荷爾蒙針，令自己外觀上變得男性化，本想就此渡過餘生，但因為想保護一個吧女，而捲入一宗兇殺案。\n\n佢展開咗逃亡生涯，擾攘多時，而其實真正兇手又真係唔係佢，而係佢大學時期嘅男朋友中尾，其實中尾都係為咗保護美月，話時話，佢係偉大嘅，無論美月係男定女嘅身份，佢都會對佢好好，而佢有呢啲想法，似乎又關係到佢原生家庭，佢生母嘅情況，其實同美月係好相似，女兒身男兒心，又係即使經歷過結婚同生育，都冇改變過內心想法。\n\n其實搞咁多嘢目的都係想掩飾佢哋有一個交換身份嘅系統，即係一個女兒身男兒心嘅人同一個男兒身女兒心嘅人swap！！！原來已經安排咗好多pair人咁樣對調！\n\n個事結尾唔可以話好美滿，有人犧牲咗但又有人終於可以用自己嘅心意生活得自在。\n\n講講下呢本小說初版原來已經係二十幾年前！我不能夠講話個故仔好前衛因為性別認同障礙呢回事自古已經有，但擺入一個兇殺案嘅故事中，又寫到峰迴路轉，就已經夠特別啦。極佩服東野圭吾嘅頭腦同講故事嘅手法，佢鍾意喺啲小說度加入佢喜愛嘅運動項目，用一啲運動項目嘅規條去到講述一啲人嘅人生，確係高章。\n\n呢本書有少少長，超過500頁，不過如果係喜歡閱讀，會好enjoy嘅。\n\n#無瑕自信肌\n#翻譯小說\n#閱讀\n\n"},{"@context":"https://schema.org","@type":"DiscussionForumPosting","headline":"單戀","image":["https://cloudapp01.ulifestyle.com.hk/post/600-4-5-CR-1-RB-1/post_1772133311493.jpeg"],"datePublished":"2026-02-27 16:06:42+08:00","url":"/community/detailpost/ade5e57b-1085-458d-be8d-a0663c6e6088/吹水/單戀/rickyhon/3526","author":{"@type":"Person","name":"rickyhon","url":"https://www.ulifestyle.com.hk/community/user_profile/3526/rickyhon"},"text":"新年嘅時候睇咗一本小說，《單戀》，一如大部份嘅東野圭吾小說，內容係有關一宗兇殺案，但我覺得呢個故事比較特別，今次個兇殺案都係其中一個內容啫，特別在佢主線係講性別認同障礙。\n\n其實細個嘅時候我都以為自己有呢個傾向，我都好憎同怨恨自己係女性，特別係青春期嘅時候身體嘅變化，淨係嚟M已足夠令我討厭自己，我時常作TB打扮，如果人哋以為我真係男仔我會沾沾自喜，我去到差不多成年先至開始妥協。因為我係嗰啲覺得吓要打針食藥甚至做手術至變到性，我會問有冇啲無痛方法嘅人嚟，即係我想變性嘅心唔係太強烈，唔會堅持。\n\n故事主人翁，美月，比較複雜，佢自小已經發覺自己內心係男性不過生理係女性。佢大學時有同男性拍拖亦有發生性關係，但冇改變內心想法。心裡面一直單戀一個人，係一個女性，理沙子。但冇明確表白過。好奇怪，美月走咗去同理沙子個男友上床。兩者明白呢次係有性冇愛嘅體驗。畢業之後，美月喺冇辦法之下，按父母嘅意願嫁咗人，仲生咗細路。一直冇開心過。幾年之後忍唔住離家出走，埋名換姓用男性身份生活，靠打荷爾蒙針，令自己外觀上變得男性化，本想就此渡過餘生，但因為想保護一個吧女，而捲入一宗兇殺案。\n\n佢展開咗逃亡生涯，擾攘多時，而其實真正兇手又真係唔係佢，而係佢大學時期嘅男朋友中尾，其實中尾都係為咗保護美月，話時話，佢係偉大嘅，無論美月係男定女嘅身份，佢都會對佢好好，而佢有呢啲想法，似乎又關係到佢原生家庭，佢生母嘅情況，其實同美月係好相似，女兒身男兒心，又係即使經歷過結婚同生育，都冇改變過內心想法。\n\n其實搞咁多嘢目的都係想掩飾佢哋有一個交換身份嘅系統，即係一個女兒身男兒心嘅人同一個男兒身女兒心嘅人swap！！！原來已經安排咗好多pair人咁樣對調！\n\n個事結尾唔可以話好美滿，有人犧牲咗但又有人終於可以用自己嘅心意生活得自在。\n\n講講下呢本小說初版原來已經係二十幾年前！我不能夠講話個故仔好前衛因為性別認同障礙呢回事自古已經有，但擺入一個兇殺案嘅故事中，又寫到峰迴路轉，就已經夠特別啦。極佩服東野圭吾嘅頭腦同講故事嘅手法，佢鍾意喺啲小說度加入佢喜愛嘅運動項目，用一啲運動項目嘅規條去到講述一啲人嘅人生，確係高章。\n\n呢本書有少少長，超過500頁，不過如果係喜歡閱讀，會好enjoy嘅。\n\n#無瑕自信肌\n#翻譯小說\n#閱讀\n\n"},{"@context":"https://schema.org","@type":"ImageObject","contentUrl":"https://cloudapp01.ulifestyle.com.hk/post/600-4-5-CR-1-RB-1/post_1772133311493.jpeg","creator":{"@type":"Person","name":"rickyhon"}}]