牛站開到銅鑼灣喇💥

牛站越開越多分店，今次開到去銅鑼灣！餐廳裝修好光猛，全部都係卡位，坐得好舒服，適合同朋友一齊用餐！ 自助區食物選擇好多，比較特別係連糯米飯、蛇羹同小龍蝦都有，另一邊有各款丸類、蔬菜、麵食，仲有得叫乳鴿食，款式相當之多！ 而湯底款式都好多元化，胡椒豬肚鍋、牛站秘製麻辣鍋、羊腩煲鍋底等等，今次叫咗麻辣越食越惹味！ SRF美國極黑和牛片每片都好大塊，色澤好靚帶粉嫩紅色，雪花均勻，肉味香濃，呢個係必食之選！肩胛肉肉質較結實，肥瘦適中，都十分唔錯！海鮮方面叫咗象拔蚌同沙白，沙白大大隻，完全冇沙。 最後仲有大量雪糕同甜品，有Häagen-Dazs雪糕任食，仲有清酒梅酒啤酒任飲，真心大滿足！ 🍴牛站(駅)麻辣火鍋放題 📍銅鑼灣駱克道463-483號銅鑼灣廣場二期11樓 #秋日推介