[{"@context":"https://schema.org","@type":"Article","headline":"新手0難度！🍛 黃咖喱雞翼開飯😋","image":["https://video-playback.ulifestyle.com.hk/ul/converts/202606/902600/20260615/hls/post_detail_1781503984575.m3u8"],"datePublished":"2026-06-15 14:13:15+08:00","url":"/community/detailpost/aa97402f-d433-46a7-a3a9-4e4dee91b337/食譜/新手0難度-黃咖喱雞/Cynthia-Cheung/902600","author":{"@type":"Person","name":"Cynthia Cheung","url":"https://www.ulifestyle.com.hk/community/user_profile/902600/Cynthia-Cheung"},"text":"#新手0難度咖喱雞翼食譜\n\n母親節煮咗呢個咖喱俾母親大人試吓~煮食新手都覺得零難度｡😛比大家慶祝父親節可以參考下~\n\n#藍象黃咖喱燜雞翼\n\n份量:4-6人\n時間:大約1小時(煮食新手)\n材料:\n• 無激素雞翼 1磅(約8-10隻)\n• 藍象牌黃咖喱汁 1包\n• 快達牌椰漿 1整罐\n• 薯仔 4-6個(切大塊)\n• 紅蘿蔔 2-3條(切厚塊)\n• 車厘茄 8-10粒(對半切)\n• 三色椒(紅黃青椒) 1-2個(切塊)\n• 油適量\n• 水約100ml(視汁水濃稠再加減)\n• 少許魚露或鹽(試味用)\n\n1. 雞翼洗淨後飛水:燒一鍋水,水滾後放入雞翼焯約1-2分鐘,撈起沖乾淨,抹乾備用(去腥效果好好)｡\n2. 薯仔同紅蘿蔔切好大塊,先蒸熟(大概蒸10-15分鐘至八成腍),蒸完後備用｡呢步可以令之後更容易變腍同入味｡\n3. 熱鑊落油,中火先落飛水後嘅雞翼煎至兩面微金黃,鎖住肉汁同香味｡之後再落蒸過嘅薯仔同紅蘿蔔略煎一陣,表面微微金黃會更香｡\n4. 倒入整包藍象黃咖喱汁,炒勻1分鐘,讓咖喱香料同所有材料完全融合,香味超正!\n5. 加入快達椰漿(分3次加,每次搞1分鐘)同50ml水,拌勻煮至滾起｡轉中小火,蓋蓋燜煮10分鐘(因為之前蒸過,時間會快啲)｡\n6. 待薯仔同紅蘿蔔都軟腍,就加入車厘茄同三色椒繼續煮5-8分鐘(三色椒最後落可以保持脆口同鮮色)｡最後試味,不夠鹹可加少許魚露或鹽,喜歡甜啲就加少少糖｡\n7. 汁水收得濃稠､所有材料都熟透入味就可以關火上碟｡\n\n小Tips:\n• 飛水之後煎雞翼,腥味明顯少咗,湯汁更清甜｡\n• 藍象黃咖喱本身唔算辣,家中有小朋友都啱食｡\n• 如果你有洋蔥,建議加落去炒香,會多一層自然甜味,令整體味道更圓潤｡\n\n#絕非廣告 #呢個牌子咖喱好食但貴 #次次都係泰國旅行掃好多包 "},{"@context":"https://schema.org","@type":"DiscussionForumPosting","headline":"新手0難度！🍛 黃咖喱雞翼開飯😋","image":["https://video-playback.ulifestyle.com.hk/ul/converts/202606/902600/20260615/hls/post_detail_1781503984575.m3u8"],"datePublished":"2026-06-15 14:13:15+08:00","url":"/community/detailpost/aa97402f-d433-46a7-a3a9-4e4dee91b337/食譜/新手0難度-黃咖喱雞/Cynthia-Cheung/902600","author":{"@type":"Person","name":"Cynthia Cheung","url":"https://www.ulifestyle.com.hk/community/user_profile/902600/Cynthia-Cheung"},"text":"#新手0難度咖喱雞翼食譜\n\n母親節煮咗呢個咖喱俾母親大人試吓~煮食新手都覺得零難度｡😛比大家慶祝父親節可以參考下~\n\n#藍象黃咖喱燜雞翼\n\n份量:4-6人\n時間:大約1小時(煮食新手)\n材料:\n• 無激素雞翼 1磅(約8-10隻)\n• 藍象牌黃咖喱汁 1包\n• 快達牌椰漿 1整罐\n• 薯仔 4-6個(切大塊)\n• 紅蘿蔔 2-3條(切厚塊)\n• 車厘茄 8-10粒(對半切)\n• 三色椒(紅黃青椒) 1-2個(切塊)\n• 油適量\n• 水約100ml(視汁水濃稠再加減)\n• 少許魚露或鹽(試味用)\n\n1. 雞翼洗淨後飛水:燒一鍋水,水滾後放入雞翼焯約1-2分鐘,撈起沖乾淨,抹乾備用(去腥效果好好)｡\n2. 薯仔同紅蘿蔔切好大塊,先蒸熟(大概蒸10-15分鐘至八成腍),蒸完後備用｡呢步可以令之後更容易變腍同入味｡\n3. 熱鑊落油,中火先落飛水後嘅雞翼煎至兩面微金黃,鎖住肉汁同香味｡之後再落蒸過嘅薯仔同紅蘿蔔略煎一陣,表面微微金黃會更香｡\n4. 倒入整包藍象黃咖喱汁,炒勻1分鐘,讓咖喱香料同所有材料完全融合,香味超正!\n5. 加入快達椰漿(分3次加,每次搞1分鐘)同50ml水,拌勻煮至滾起｡轉中小火,蓋蓋燜煮10分鐘(因為之前蒸過,時間會快啲)｡\n6. 待薯仔同紅蘿蔔都軟腍,就加入車厘茄同三色椒繼續煮5-8分鐘(三色椒最後落可以保持脆口同鮮色)｡最後試味,不夠鹹可加少許魚露或鹽,喜歡甜啲就加少少糖｡\n7. 汁水收得濃稠､所有材料都熟透入味就可以關火上碟｡\n\n小Tips:\n• 飛水之後煎雞翼,腥味明顯少咗,湯汁更清甜｡\n• 藍象黃咖喱本身唔算辣,家中有小朋友都啱食｡\n• 如果你有洋蔥,建議加落去炒香,會多一層自然甜味,令整體味道更圓潤｡\n\n#絕非廣告 #呢個牌子咖喱好食但貴 #次次都係泰國旅行掃好多包 "},{"@context":"https://schema.org","@type":"ImageObject","contentUrl":"https://video-playback.ulifestyle.com.hk/ul/converts/202606/902600/20260615/hls/post_detail_1781503984575.m3u8","creator":{"@type":"Person","name":"Cynthia Cheung"}}]