[{"@context":"https://schema.org","@type":"Article","headline":"尖沙咀居酒屋半放題🤩 $388食到停唔到🤤","image":["https://video-playback.ulifestyle.com.hk/ul/converts/202503/296732/20250323/hls/post_detail_1742737571847.m3u8"],"datePublished":"2025-03-23 21:47:24+08:00","url":"/community/detailpost/a953503f-8e35-45fc-8d80-b49696d5f1a1/打卡熱點/尖沙咀居酒屋半放題/fionne/296732","author":{"@type":"Person","name":"fionne","url":"https://www.ulifestyle.com.hk/community/user_profile/296732/fionne"},"text":"最近見到好多人介紹尖沙咀呢間居酒屋嘅半放題,午市$388就食到沙律､刺身､巨型大頭蝦､串燒､壽司､壽喜燒､宮崎A4和牛､北海道米豚､廣島牡蠣同雪糕(每款限兩碟),性價比極高!\n\n✨巨型大頭蝦×宮崎和牛半放題90分鐘✨\n☀️午市12:00-13:30 HK$388一位\n🌙晚市18:00-21:00 HK498一位\n🍻任飲啤酒､無酒精飲品加$68一位\n\n🥗牛油果醬凍豆腐沙律\n牛油果醬豆腐滑嫩配上胡麻醬,食起上嚟好開胃｡\n\n🐟日本真鯛薄切 6切\n薄切嘅真鯛刺身晶瑩剔透,肉質細緻甜美,配上蘿蔔泥､蔥花同特製柑橘醋醬食,令真鯛鮮味更突出!\n\n🦐10吋巨型爆膏大頭蝦配海膽黃金爆膏醬\n大頭蝦有成10吋咁長,真係有我手板咁大😆!搣開蝦頭見到爆哂膏,要用隻匙羹仔潷晒出嚟食😋!蝦肉厚身肥美,非常爽口彈牙,蝦膏甘香鮮甜,店員教我哋落少少海膽黃金爆膏醬一齊食,鮮味即刻翻倍啊😍!旁邊嘅鍋巴配海膽黃金爆膏醬,脆卜卜好啱用嚟做佐酒小食｡\n\n🍢特選生燒串燒5串\n包括焦糖菠蘿､千歲米豚腩､明太子雞腿串､鹽燒和牛粒同燒鮮冬菇｡明太子雞肉燒到外層焦香微脆,肉質豐富,加埋上面嘅明太子醬,令味道鹹鮮惹味!千歲米豚腩肉味濃郁,肉質滑嫩有彈性!食咗咁多肉類,食返串酸酸甜甜嘅焦糖菠蘿,好味又可以解膩｡\n\n🍣任食即做手握壽司\n分別有油甘魚､三文魚､火炙三文魚､火炙左口魚邊､香蔥吞拿魚蓉､八爪魚､飛魚籽､海膽魷魚､青芥辣八爪魚､明太子沙律同加州卷｡我哋最鍾意火炙三文魚同火炙左口魚,火炙後令魚生嘅魚油出晒嚟,油香超級豐富!\n\n🍲鍋物(可選壽喜燒/日式豆乳豚骨湯)\n我地揀咗壽喜燒,每人會有兩碟宮崎A4和牛､北海道米豚同廣島牡蠣｡宮崎A4和牛雪花分布細密,油花豐富,入口即溶｡北海道米豚肉質柔軟,肉味濃郁,食落唔會好油膩｡廣島牡蠣好肥美,咬落去爆汁鮮甜!\n\n🍚任食溫泉蛋紫菜飯,溫泉蛋稻庭烏冬,野菜盤\n食完以上食物已經好飽,所以無嗌到嚟食啦🤣~\n\n🍨 甜品紅豆雪糕\n最後有紅豆雪糕做呢餐嘅結尾,雪糕綿密帶有香甜紅豆味🫘,唔會好甜,冰涼又清新!\n\n@wado_izakaya \n📍 和道屋 WADO Izakaya\n尖沙咀加連威老道46-48號恆隆銀行大廈地舖及閣樓\n\n#UCreator #打卡美食 #好去處 #全新景點 #chill #隱世打卡點 #打卡 #半放題 #尖沙咀 #居酒屋 "},{"@context":"https://schema.org","@type":"DiscussionForumPosting","headline":"尖沙咀居酒屋半放題🤩 $388食到停唔到🤤","image":["https://video-playback.ulifestyle.com.hk/ul/converts/202503/296732/20250323/hls/post_detail_1742737571847.m3u8"],"datePublished":"2025-03-23 21:47:24+08:00","url":"/community/detailpost/a953503f-8e35-45fc-8d80-b49696d5f1a1/打卡熱點/尖沙咀居酒屋半放題/fionne/296732","author":{"@type":"Person","name":"fionne","url":"https://www.ulifestyle.com.hk/community/user_profile/296732/fionne"},"text":"最近見到好多人介紹尖沙咀呢間居酒屋嘅半放題,午市$388就食到沙律､刺身､巨型大頭蝦､串燒､壽司､壽喜燒､宮崎A4和牛､北海道米豚､廣島牡蠣同雪糕(每款限兩碟),性價比極高!\n\n✨巨型大頭蝦×宮崎和牛半放題90分鐘✨\n☀️午市12:00-13:30 HK$388一位\n🌙晚市18:00-21:00 HK498一位\n🍻任飲啤酒､無酒精飲品加$68一位\n\n🥗牛油果醬凍豆腐沙律\n牛油果醬豆腐滑嫩配上胡麻醬,食起上嚟好開胃｡\n\n🐟日本真鯛薄切 6切\n薄切嘅真鯛刺身晶瑩剔透,肉質細緻甜美,配上蘿蔔泥､蔥花同特製柑橘醋醬食,令真鯛鮮味更突出!\n\n🦐10吋巨型爆膏大頭蝦配海膽黃金爆膏醬\n大頭蝦有成10吋咁長,真係有我手板咁大😆!搣開蝦頭見到爆哂膏,要用隻匙羹仔潷晒出嚟食😋!蝦肉厚身肥美,非常爽口彈牙,蝦膏甘香鮮甜,店員教我哋落少少海膽黃金爆膏醬一齊食,鮮味即刻翻倍啊😍!旁邊嘅鍋巴配海膽黃金爆膏醬,脆卜卜好啱用嚟做佐酒小食｡\n\n🍢特選生燒串燒5串\n包括焦糖菠蘿､千歲米豚腩､明太子雞腿串､鹽燒和牛粒同燒鮮冬菇｡明太子雞肉燒到外層焦香微脆,肉質豐富,加埋上面嘅明太子醬,令味道鹹鮮惹味!千歲米豚腩肉味濃郁,肉質滑嫩有彈性!食咗咁多肉類,食返串酸酸甜甜嘅焦糖菠蘿,好味又可以解膩｡\n\n🍣任食即做手握壽司\n分別有油甘魚､三文魚､火炙三文魚､火炙左口魚邊､香蔥吞拿魚蓉､八爪魚､飛魚籽､海膽魷魚､青芥辣八爪魚､明太子沙律同加州卷｡我哋最鍾意火炙三文魚同火炙左口魚,火炙後令魚生嘅魚油出晒嚟,油香超級豐富!\n\n🍲鍋物(可選壽喜燒/日式豆乳豚骨湯)\n我地揀咗壽喜燒,每人會有兩碟宮崎A4和牛､北海道米豚同廣島牡蠣｡宮崎A4和牛雪花分布細密,油花豐富,入口即溶｡北海道米豚肉質柔軟,肉味濃郁,食落唔會好油膩｡廣島牡蠣好肥美,咬落去爆汁鮮甜!\n\n🍚任食溫泉蛋紫菜飯,溫泉蛋稻庭烏冬,野菜盤\n食完以上食物已經好飽,所以無嗌到嚟食啦🤣~\n\n🍨 甜品紅豆雪糕\n最後有紅豆雪糕做呢餐嘅結尾,雪糕綿密帶有香甜紅豆味🫘,唔會好甜,冰涼又清新!\n\n@wado_izakaya \n📍 和道屋 WADO Izakaya\n尖沙咀加連威老道46-48號恆隆銀行大廈地舖及閣樓\n\n#UCreator #打卡美食 #好去處 #全新景點 #chill #隱世打卡點 #打卡 #半放題 #尖沙咀 #居酒屋 "},{"@context":"https://schema.org","@type":"ImageObject","contentUrl":"https://video-playback.ulifestyle.com.hk/ul/converts/202503/296732/20250323/hls/post_detail_1742737571847.m3u8","creator":{"@type":"Person","name":"fionne"}}]