好發大廈 2023/11/14

屯門火鍋店🍲價格實惠環境舒適

天氣開始涼涼地, 我宣佈正式進入左打邊爐嘅季節!! 呢間火鍋店本身開係元朗, 宜家屯門都有分店⭐️屯門店啲位都好好坐喎💕打邊爐叫到一枱都係嘢, 最驚就係張枱細到連嘢食都唔夠位放🤨 『招牌雞煲』HK$198 半隻雞🐓都有唔少份量, 好似夾極都仲有咁, 醬汁香濃惹味, 雞肉唔會好乾, 仲keep到好滑🐥我叫咗BB辣已經好夠味, 鍋入邊仲有啲豆角🫛同埋其他配菜🥕🥬🧅 食完個雞煲就可以叫店員幫你加湯, 店員好細心, 加湯嘅時候會有塊膠板擋住啲湯, 唔會彈到你❣️ 『安格斯牛小排』HK$168 口感冇一般牛小排咁厚, 脂肪比例均勻, 輕輕灼下就食得🐮 『鱔片』HK$98 鱔片食得出好新鮮, 而且都有好多片, 好抵食! 『手工白菜餃』HK$42 食到好甜嘅白菜味, 而且個皮又唔會好厚, 口感仲有啲煙韌⭐️ 『油麥菜』HK$28 『娃娃』HK$28 啲菜洗得好乾淨, 切到好靚仔🥬 『豆卜』HK$28 豆卜索晒啲湯底, 好正啊! 『出前一丁 』HK$18 最後整返個出前一丁, 滿足晒!! 我見到好多人叫咗椒鹽粟米, 好特別嘅餸菜, 我都係第一次見, 下次叫嚟試吓先! °°°°°°°°°°°°°°°°°°°°°°°°°°°°°°°°°°°°°°°°°°°° 再來一煲  📍屯門青棉徑6號好發大廈地下17-20號舖 #MrsLong#hk #hkmami #hkbloggermama #Longs #hkbaby #influencer #hkmom #mamablogger #香港美食 #餐廳推介 #hkfoodie #香港探店 #打邊爐 #天氣凍 #轉涼 #再來一煲 #打邊爐 #香港美食 #hkfoodie #餐廳推介 #hkmom #mamablogger #hkbaby #influencer #hkmami #香港探店 #hk #hkbloggermama #MrsLong #Longs #天氣凍 #轉涼 #再來一煲 (此文章由U Blog 同步發佈至社群)

平均消費
HK$350
地址
好發大廈
香港新墟青棉徑6號好發大廈
評分
5/5
👍