親子友善餐廳 | 為食恐龍 • 恐龍先生 | 尖沙咀區

本身都想帶鰻魚B去下「為食恐龍 •恐龍先生」，順便約埋幾位媽媽聚會 ~ 當日係黃色暴雨仍然無損各位嘅興緻，照帶自己嘅小朋友出黎，位置在厚福街，距離MTR出口都好近。 上到樓即刻比門口大大嘅夾公仔機吸引，放眼望去，入面都有兩枱玩具可以比細啲嘅小朋友玩，而大小小嘅小朋友就有街機、board game玩，再大啲嘅仲有得掉飛鏢添，可以玩嘅嘢種類都多，過下手癮都開心。 食物方面質素都不錯，因為餐單上只有一個兒童餐（鰻魚B唔太岩食），最後叫左「雞肉南瓜蓉意大利飯」、「招牌明太子卡邦尼意粉」、「煙三文魚披薩」、「三色味雞翼」及「招牌德式脆皮鹹豬手」share食。大人細路都食得剛飽，仲可以出去食個甜品。 餐廳會提供high chair同埋小朋友餐具，都係恐龍款，好得意。當日唔算多人，所以可以由12:30pm坐到3:30pm（餐廳落場時間）先走。 為食恐龍 • 恐龍先生 地址：尖沙咀厚福街8號H8 2樓 時間：星期一（18:00 - 22:00) 星期二至日 (12:00 - 22:00) *餐廳係12:30先會開始提供餐點 #親子好去處 #親子活動 #親子 #親子餐廳 #親子玩樂 #親子假日好去處 #親子放電好去處#親子玩樂好去處 #親子友善餐廳 #尖沙咀美食 #尖沙咀好去處 #尖沙咀餐廳 #厚福街 #為食恐龍恐龍先生#香港美食 #打卡美食#親子友善餐廳