似熱浪薯片味嘅雞翼

Cajun粉焗雞翼 ———————————————— 烹飪難易度（1為較易 - 5為較難）：1 烹飪時間：50分鐘 準備時間：2小時 材料：雞中翼8-10隻，雞粉3/4茶匙，美極鮮醬油、生粉、鹽各1茶匙，紹酒、cajun粉各2茶匙，胡椒粉少許 製作步驟：（1）雞翼解凍，用鹽捽勻，沖水洗去鹽份用廚紙抹乾。（2）深碟內放入雞翼，用雞粉、美極、紹酒、cajun粉、胡椒粉撈勻雞翼，鋪保鮮紙，放入雪櫃，醃最少2小時（我就提早一晚醃好，翌日焗）。（3）焗爐170°c，preheat5分鐘。（4）從雪櫃取出雞翼，臨焗之前先撈生粉，將雞翼轉去已鋪錫紙或焗盤紙嘅焗盤，皮向下。（5）焗爐淨係開面火，維持170°c，放入雞翼焗25分鐘，再反轉雞翼焗另一邊都係25分鐘。完成。 烹飪貼士：（1）焗爐唔好底面火齊着嚟焗雞翼，佢會好容易黐住張錫紙，（夾出嚟嘅時候散晒就冇肉食咖喇），亦唔方便控制佢生熟度，寧願慢慢一面還一面咁焗。仲有就係每個人屋企個焗爐都會有啲唔一樣，呢度提到嘅時間同溫度只係俾你參考。（2）盡可能揀啲大隻少少嘅雞翼因為焗完佢size會縮細好多。 #祝大家生日快樂