澳門自助餐界天花板

以前就算book枱都要等九個月先食到,好彩我地今次平日黎,早三星期去官網book都食到😙呢度有新鮮即劏即叫即製嘅龍蝦任食😍🦞就連其他海鮮同菜都係即叫即整 · 我哋果晚嘅龍蝦就有五種煮法,總有一款岩你心水 睇見大廚手起刀落,劏龍蝦無停手,出去落單記得自己枱號,我地落完單就可以返埋位等食喇🤤 · 🦞避風塘龍蝦:肉質爽口彈牙,味道香口帶少少辣,龍蝦仲好有鮮味 🦞好味辣汁龍蝦:肉質煮得岩岩好,夠晒彈牙,醬汁微辣,好惹味 🦞芝士焗龍蝦:一拮落去芝士就湧出黎,但係就略嫌芝士味鹹香味唔夠 🦞炭烤龍蝦:肉質有啲韌,無咁彈牙 🦞蒜蓉蒸龍蝦:蒜蓉超級多,反而有少少蓋過左龍蝦嘅鮮味,不過肉質都keep到好彈牙 · 一場黎到,緊係試多幾款即叫即製海鮮啦 🦪蒜蓉鮑魚:蒸得岩岩好,好新鮮,一啲都唔韌 🦪豉椒炒沙白:夠晒鑊氣,聞落非常香 🐟清蒸龍躉:魚味重,肉質仲好嫩滑 🦪蒜蓉粉絲蒸扇貝:唔算好大隻,味道正常 🐟豉椒蒸白鱔:肉質太腍,一夾起就爛 · 🍞mezza9特色龍蝦包:麵包軟熟,仲夾住豐富嘅龍蝦肉 🍲龍蝦湯:質地比較稀但飲落好香龍蝦味而且鹹度岩岩好 · 至於冷盤就有龍蝦鉗、蝦、蜆等,比較普通,另外仲有啲日式壽司、刺身之類,刺身切得比較細片,但都新鮮 🐮厚切牛柳就幾有驚喜,一啲都唔韌,牛味仲幾突出 · 呢度嘅飲品選擇唔算好多,但質素都唔錯,樽仔奶茶同鮮榨橙汁🍊都好受歡迎 · 甜品方面都有唔少選擇,賣相都幾靚,仲有師傅即場整梳乎厘 🥥椰子焦糖燉蛋:好彩等到八點幾有最後一輪出爐😍燉蛋好香好滑,面頭仲有一層輕輕燒過嘅焦糖,一啖食落去,一脆一軟,口感層次都幾豐富🤤🤤 · 自助餐黎講,食物整體質素唔錯,可以食到唔同煮法嘅海鮮,上菜同收碟嘅速度都快,大家有機會黎澳門嘅話,都可以去試下😆 Mezza9 Macau 📍路氹城連貫公路新濠天地澳門君悅酒店3樓 ⋯⋯⋯⋯⋯⋯⋯⋯⋯⋯ Instagram: wenn_hk https://instagram.com/wenn_hk facebook: wenn_hk https://www.facebook.com/wennhk/ Youtube: 一舊雲☁️遊世界 https://youtube.com/@wenntravel 工作聯絡e-mail: wennnhk@gmail.com #全民打卡企劃#澳門推介#澳門美食#澳門旅遊

平均消費
HK$900
地址
mezza9 Macau
MO MEZZA9, Level 3, Grand Hyatt City of Dreams, Estr. do Istmo, 澳門
評分
5/5
🤠
下一篇載入中