同好友飯聚,又去咗牛大人打邊爐啦😆

同好友飯聚,又去咗牛大人打邊爐啦😆高質火鍋真係百吃不厭🤤 今次湯底揀咗牛夫人秘方麻辣鍋,唔係太食得辣嘅我揀咗小辣,辣度同麻度都啱啱好👏🏻 肉類有好多選擇,包括美國SRF黑牛後腿肉、澳洲和牛M5牛肩卷、手切封門柳、安格斯小排、牛胸爽等等... 我就最鐘意美國SRF黑牛,脂肪比起其他牛肉更均勻,呈現漂亮油花,牛肉味特別濃郁,有口感得嚟唔會靭,鮮甜多汁‼️ 另外推介澳洲和牛M5牛肩卷,脂肪相對多少少,食落肉質更加軟腍,脂肪香氣十足,無筋口且軟嫩適中✨ 仲有其他火鍋配料同配菜值得一試㗎!例如即食嘅鹽酥雞同埋台式香腸,仲有火鍋配料如花枝滑、花生麻吉燒、油炸鬼,仲有佢嘅皇帝菜都特別新鮮❇️ 小食入面嘅甘梅粉番薯係我特別鍾意嘅~熱辣辣嘅番薯灑上甜甜金梅粉,即刻有去咗台灣夜市嘅感覺🤩 食到最後,餐廳仲會提供每人一杯Mövenpick雪糕或者台式仙草芋圓凍,凍冰冰透心涼,超級滿足既一晚🎉 牛大人台灣火鍋吃到飽 (加拿芬廣場) (尖沙咀) 📍尖沙咀加拿分道20號加拿芬廣場2樓

地址
加拿芬廣場
香港尖沙咀加拿分道20-20C號
評分
4/5
下一篇載入中