九龍城隱世串揚Omakase 由日本師傅主理的「北斗」，門口低調，但入到餐廳則有種奢華的感覺，座位不多只有一排吧枱。餐廳主打食串揚，即係大阪名物的串炸，仲要以Omakase形式，香港真係少之有少！ Dinner有「北」$980、「斗」$1380兩個Set，分別在於貴啲既set有埋兩身，難得來到就一於食好啲啦！ 先付 有蒜頭木魚漬、牛蒡漬，都係餐廳自家醃製，味道清新開胃。 前菜 蟹膏豆腐配北海道根室海膽和魚籽，賣相精緻，真係唔捨得食😆底下仲有純菜，又滑捋捋的感覺，另外加咗柚子酸汁，喺一道幾好嘅開胃前菜。 清湯 用茶壺上的地蛤清湯，湯底清澈味道十分鮮甜，可以先暖暖胃。 刺身 刺身都有五款，先來赤身配黑魚子和淡雪鹽，肉質比較扎實有咬口。秋鯖魚配薑蓉蔥，色澤光鮮，油脂豐富，質感軟嫩。之後有火炙喜之次，比較矜貴的魚，配上蒜蓉、wasabi，經火炙之後油份迫左出黎，更香更好食。手掌咁大的赤崎蠔，配柚子醋，兩個字講晒，新鮮！最後係青森大間的大拖羅，入口即溶的享受，食完魚香的餘韻仍然會停留係口中。 串揚 食完咁滿足嘅刺身，先去到主角串揚，一共有6款。首先有，京都萬願寺的唐辛子，即尖椒，好大隻，味道甘甜多汁。日本沙錐魚，炸得剛剛好，炸粉又薄，口下去魚質仲好嫩滑，食落又無骨，真係好適合用來做串揚。磯煮鮑魚配黑魚子，鮑魚好入味，又彈牙，好食！之後有白海膽，海膽中的上品，食落好嫩滑鮮甜。來到尾聲有松葉蟹蓋，真係好有驚喜，填滿蟹肉蟹膏，滿足程度爆登，真係啖啖滋味😍 燒物 伊勢海老龍蝦配加拿大海膽 食事 明太子茶漬飯 甜品 有甜到爆汁的靜岡蜜瓜、日本蕃茄、煙煙韌韌的綠茶厥餅，真係大滿足！ 📍#北斗 (#九龍城美食) #九龍城 福佬村道59號地下B號舖 ➡️𝗙𝗼𝗹𝗹𝗼𝘄左我未啊😚跟住我去飲飲食食😎 吃是真愛❤️ @eatistruelove.hk 🌟#秋日推介