日本北陸之旅 - 遙望立山黑部的富山市

行程嘅最後一日,亦都是不錄之類｡最後一篇介紹文章,我們去到距離金澤十幾分鐘新幹線車程嘅富山市｡富山市背靠被稱為日本 阿爾卑斯山嘅立山黑部,喺市內好多地方都見到宏偉嘅山脈｡至於欣賞富山市美景嘅最佳地 方,一定係富岩運河環水公園｡ -富岩運河環水公園- 喺公園入面嘅天門橋展望台,由最近嘅運河,到綠草如茵嘅公園,再遠少少係富山市矮小嘅房 屋,最遠就係被白雪掩蓋嘅立山黑部｡呢一個畫面真係好似畫一樣,令人百看不厭,印象深 刻｡若然喺黃昏時間前來,望向東方嘅立山黑部,夕陽嘅光線照射白雪上,令到雪山顯得金黃 ,又係另一番可遇不可求嘅景象｡ 營業時間:年中無休 地址:富山縣富山市入船町港區 -星巴克環水公園概念店- 位於富岩運河環水公園入面嘅星巴克咖啡,被譽為北陸地區最靚嘅星巴克｡坐喺戶外嘅地方, 遠眺立山黑部,近看環水公園,春天更加有櫻花陪伴,真係非常寫意｡要注意呢一間星巴克概 念店經常大排長龍,大家要有心理準備啊! 營業時間:08:00~22:30 地址:富山縣富山市入船町港區 富岩運河環水公園 -富山黑拉麵- 除咗富山灣嘅壽司,富山最出名嘅食物肯定要數黑拉麵｡店舖以秘制嘅黑醬油為湯底,香味非 常濃烈,同其他拉麵嘅湯底截然不同｡ 若然大家喺香港都係食開濃烈嘅口味,我就推介大家 去食元祖富山黑拉麵,感受一下最經典嘅黑醬油口味｡當然,當地亦有其他連鎖黑拉麵店,例如拉麵大賽5連冠｢麵家IROHA｣,佢哋嘅湯底經過調製,相對容易入口｡ 西町大喜 西町本店 營業時間:11:00~20:00,週三休息 地址:富山縣富山市小田口1-1-7 -結語- 呢一篇亦都係筆錄之類最後一張,大家如果有興趣記得睇返之前三篇文章啦!透過五日緊密嘅行程推介,相信大家都感受到北陸地區過人嘅特色｡其實除咗呢一啲景點,北陸地區都有其他出名嘅地方,例如距離金澤三個鐘車程嘅白川鄉合掌村､一開山就迫爆嘅立山黑部,若然大家多留幾日都唔使擔心冇嘢玩｡ 今次介紹嘅幾個行程,相對地集中喺金澤,無需太多舟車勞頓,無論係情侶定係一家大細都非 常適合｡而且可以充分利用7日JR北陸拱形鐵路周遊券,基本上唔需要擔心交通安排｡或者金 澤喺香港人眼中唔係特別有名嘅旅遊城市,但去到你就會見到非常多嘅日本遊客甚至外國旅 客,絕對係你意料之外｡所以,一啲溫泉旅館､特色火車以至參觀嘅景點都要提早預約,咁就可以完完全全感體驗北陸金澤地區喇! #日本好去處#旅行打卡#旅行美食#求好旅友 #想飛賞飛#金澤#金澤自由行#日本櫻花#旅遊行程