龍蝦•肉眼🥩午餐盛宴

今日book咗由🇯🇵主廚坐鎮嘅鐵板燒餐廳 近距離觀賞廚師嘅烹調技術真係好爽🤩連lunch都食到用料上乘嘅套餐 值得推薦 ❣️澳洲龍蝦・美國Prime 肉眼薄焼9道菜午市餐 $498 🥢前菜三小點 分別有蒜頭漬 麻醬豆腐 煙燻雞肉🦆最驚喜係蒜頭漬相當爽口 無乜蒜味 食落好似蘋果咁索索聲 🥢沙律 由當季日本白桃🍑加入柚子醋混合而成 酸味味甜甜地勁開胃 白桃香甜清新 🥢茶碗蒸 面頭淋上松露油同放左三文魚籽 底部舖滿木耳絲🤩松露油令蒸蛋更滑更香濃 🥢鮮活澳洲龍蝦 將龍蝦膏醬煮嘅嘅秘製醬汁淋係彈牙嘅龍蝦🦞肉上 稍微加小小香草汁 顏色鮮艷得嚟令味道更多層次 碟邊灑上紫薯粉同食用花 超igable 🥢鐵板燒日本野菜 野菜部份包括金針菇 冬菇 番薯片🍠 蓮藕同露筍 煎到啱啱好鎖住水份💦 🥢美國𝒫𝑅𝐼𝑀𝐸肉眼薄燒卷 灑上薄薄嘅岩鹽同胡椒粉 肉眼片包裹芽菜 爽口配搭腍身肉片 勁match勁滿足🫶🏻 主廚建議先試原味夾埋日本蒜片 淨低可以配搭蘿蔔蓉酸汁 麵豉汁 或者芝麻醬提升肉香🥩 🥢龍蝦頭味噌湯 將上個dish嘅龍蝦蝦頭加入味噌湯一齊熬 令平平無奇嘅味噌湯更添鮮味😝完全用盡所有食材 絕不浪費 🥢鐵板炒飯 櫻花蝦🦐炒飯全港獨創嘅一飯二食 貼心教學乾食同茶漬飯食法 試完原味另一食法將鰹魚湯同Wasabi 加入飯中 整體酸酸地令魚子味更突出 新穎新法10分有創意🤩 🥢甜品 紅豆抹茶草餅配士多啤梨脆米 軟糯嘅外皮非常煙靭 微甜更香更易入口🍵 - 🫧三日月 尖沙咀金馬倫道23號金馬倫廣場2樓B號舖