韓劇《背著善宰跑》5大看點＋爆紅原因💓超萌身高差🏹️狙擊少女心

大家最近有無追《背著善宰跑》🤭劇集播出之後,收視節節上升,依家仲位居Viutv香港排行榜上嘅第二名,當中男主角仲成為新一屆｢國民初戀男神｣,究竟係咩原因令佢有別於其他韓劇,可以爆紅?即刻話你知5大原因~ 1️⃣｢國民初戀男神｣首當男一 男主角(下稱善宰)嘅設定係一個樂隊主唱,而喺做樂隊前又係一個游泳選手🏊選擇邊佑錫做呢個角色嘅人真係天才!健壯嘅身材同游泳選手非常吻合,而且劇裡面樂隊嘅歌真係佢本人唱!超好聽😍話佢係歌手出身我都信🎙️ 雖然第一次做男一,但係邊佑錫嘅演技一啲都唔差!33歲演高中生一啲都無違和感🫶🏻戲中善宰人設超級討喜,對女主角(下稱小素)一見鍾情💘喺小素唔知道嘅情況下暗戀佢多年,每次都喺重要時刻拯救小素🙆🏻‍♀️ 2️⃣劇情緊湊無悶場 除咗愛情線,故事仲埋咗條懸疑線,善宰第一集就自殺,身為忠實fans嘅小素靠多年前拍賣得返嚟嘅善宰嘅手錶⌚️可以穿越過去改寫未來｡而且兩次嘅穿越中,小素都成功改寫未來,不過究竟最後可唔可以成功拯救善宰呢? 喺穿越中小素發現原來自己癱瘓係人為故意造成,而造成呢一切嘅人係一個的士司機,劇情一層包一層,而且不斷反轉,都好吸引觀眾繼續追🤩 3️⃣滿足追星幻想 本來因爲癱瘓對生活失去希望嘅小素,通過一通善宰打嚟嘅電話☎️重拾生存嘅希望｡後來仲因爲穿越同偶像近距離接觸😍追星嘅女孩代入一下真係好幸福😊 尤其小素完成第一次穿越,穿返嚟2023年發現偶像善宰都係自殺嗰種絕望😩真係完全共情小素嘅心情🥹 4️⃣100%心動率!超甜蜜互動 雖然懸疑嘅劇情好緊湊,不過中間都夾雜咗好多男女主角嘅甜蜜互動💕尤其設定係高中生,嗰種純情､懵懂嘅愛情💓真係超甜蜜呀🥰 當中兩位主角嘅選角,當然為呢種純愛情節加咗好多分🫶🏻因爲佢哋兩個足足有成29cm嘅身高差👩‍❤️‍👨善宰每次烏低身同小素講嘢嘅時候都非常觸動少女心🤭 5️⃣愛意滿瀉!絕不隱瞞 每次追劇見到男女主角講大話嘅劇情都好激心!雖然係為大家好,但真係一啲都無令事情往更好嘅方向發展😅但小素同善宰都屬於會講出嚟嘅類型🥰 當善宰搞清楚小素避開自己嘅原因後,向小素追問時,小素無下意識去隱瞞,而係承認😢並且講出自己避開善宰嘅原因係怕危及佢生命｡兩人好快捉緊可以喺一齊嘅時間,令觀眾鬆一口氣,終於無誤會😮‍💨 以上就係《背著善宰跑》可以喺眾多劇集中脫穎而出嘅原因,成為2024年必看嘅韓劇🫶🏻依家劇集播到12集,劇情走向又唔同咗🥹真係好緊張呀~唔知呢齣戲最吸引你嘅又係邊一點呢? 🙌🏻快啲關注我,一齊追劇啦! 圖片來源:TVN #攻略#情感#背著善宰跑#韓劇#愛情#追星#情侶