黎咗呢間嵐橋食日本嘢，呢到主打係好多唔同款式嘅丼飯，仲有鍋物、串燒、刺身、壽司等等。 極上海之幸丼(送麵豉湯) $268 賣相超靚嘅丼飯，上面擺滿魚生刺身，滿到連飯都睇唔到，見到都流晒口水。魚生刺身有成10款咁多，大拖羅入口即融油香四溢、日本牡丹蝦鮮甜爽彈、磯煮鮑魚入味彈牙、大蟹鉗鮮味十足、海膽幼滑甘甜，仲有三文魚子、深海池魚、鯛魚、油甘魚、蔥拖羅魚蓉，用樣係非常新鮮高質。值得一提係個丼飯底唔係普通白飯，而係有味飯底，再加埋啲壽司醋啫喱，食落唔會覺得好飽滞。 安格斯肉眼壽喜燒 $168 天氣凍叫咗個壽喜燒鍋，入面有腍嫩嘅安格斯肉眼，肉質好嫩滑，仲有粗粉絲同唔同嘅蔬菜，壽喜燒湯底甜甜哋，食落暖笠笠夠晒暖胃。 田樂燒豆腐 $28 豆腐做到外脆內軟，豆腐軟滑冇渣，面頭嘅田樂醬好惹味。 明太子山藥 $32 山藥口感清爽脆身，夾埋鹹香明太子醬，食落幾特別。 免治雞肉棒 $48 免治雞肉棒燒到好香口，點埋月見蛋汁食就多一層蛋香同滑溜口感。 雞軟骨串 $28 雞軟骨好爽脆，夠哂咬口。 。 。 嵐橋丼飯專門店 (尖沙咀) 尖沙咀棉登徑白蘭軒道2號富峰行地下BCD號舖 。 。